പാകിസ്ഥാനിലെ ബലൂചിസ്ഥാന്‍ പ്രവിശ്യയില്‍ പോലീസ് പരിശീലന അക്കാദമിയ്ക്ക് നേരെ ഭീകരാക്രമണം. തിങ്കളാഴ്ച രാത്രിയുണ്ടായ ആക്രമണത്തില്‍ ചുരുങ്ങിയത് 60 കേഡറ്റുകളും മൂന്ന്‍ അക്രമികളും കൊല്ലപ്പെട്ടു. നൂറിലധികം പേര്‍ക്ക് പരിക്കേറ്റിട്ടുണ്ട്.
ഇന്ത്യയ്ക്കെതിരെയുള്ള തങ്ങളുടെ പ്രവര്‍ത്തനങ്ങള്‍ തീവ്രമാക്കാന്‍ അനുവദിക്കണമെന്ന് ഭീകരസംഘടന ജെയ്ഷ്-ഇ-മുഹമ്മദിന്റെ മേധാവി മസൂദ് അസര്‍. കൃത്യമായി തീരുമാനമെടുക്കുന്നതിലുള്ള അഭാവം കശ്മീര്‍ പിടിച്ചെടുക്കുന്നതിനുള്ള ചരിത്രപരമായ അവസരമാണ് പാകിസ്ഥാന് നഷ്ടപ്പെടുത്തുന്നതെന്ന് സംഘടനയുടെ പ്രസിദ്ധീകരണമായ അല്‍-ക്വലമില്‍ അസര്‍ പറയുന്നു.
കശ്മീരിലെ ഷോപിയാന്‍ ജില്ലയില്‍ ചൊവ്വാഴ്ച ഉണ്ടായ ഭീകരാക്രമണത്തില്‍ ചുരുങ്ങിയത് ഒന്‍പത് പേര്‍ക്ക് പരിക്കേറ്റു. സി.ആര്‍.പി.എഫ് വാഹനത്തിന് നേരെ ഗ്രനേഡ് എറിയുകയായിരുന്നു. പരിക്കേറ്റവരില്‍ രണ്ട് പേര്‍ ജവാന്മാരും മറ്റുള്ളവര്‍ സാധാരണക്കാരുമാണ്.
അതേസമയം, പാമ്പോറില്‍ സര്‍ക്കാര്‍ കെട്ടിടം ആക്രമിച്ചവരെ കീഴ്പ്പെടുത്താനുള്ള സൈനിക നീക്കം രണ്ടാം ദിവസവും തുടരുകയാണ്. ഭീകരവാദികള്‍ സംരഭകത്വ വികസന ഇന്‍സ്റ്റിറ്റ്യൂട്ട് കെട്ടിടത്തില്‍ ഒളിച്ച് സൈനിക ആക്രമണത്തെ പ്രതിരോധിക്കുകയാണ്. രണ്ടോ മൂന്നോ ഭീകരര്‍ ഇവിടെ ഉണ്ടെന്നാണ് കണക്കാക്കുന്നത്.
തീവ്രവാദ പ്രവര്‍ത്തനങ്ങള്‍ക്കെതിരെയുള്ള നടപടിയില്‍ സമവായത്തോടെ നീങ്ങണമെന്ന് പാക്‌ സൈന്യത്തോട് ഭരണകൂടം ആവശ്യപ്പെട്ടതായി റിപ്പോര്‍ട്ട്. അന്താരാഷ്ട്ര തലത്തില്‍ വര്‍ധിച്ചുവരുന്ന ഒറ്റപ്പെടല്‍ ചൂണ്ടിക്കാട്ടിയാണ് നവാസ് ഷെരിഫ് സര്‍ക്കാറിന്റെ നിര്‍ണ്ണായക നീക്കമെന്ന് പാക്‌ ദിനപത്രം ഡോൻ റിപ്പോര്‍ട്ട് ചെയ്തു.
കശ്മീരിലെ കുപ്വാര ജില്ലയില്‍ രാഷ്ട്രീയ റൈഫിള്‍സിന്റെ ക്യാമ്പിനു നേരെ ആക്രമണം നടത്തിയ മൂന്ന്‍ ഭീകരവാദികള്‍ കൊല്ലപ്പെട്ടു. നിയന്ത്രണരേഖയില്‍ തീവ്രവാദ ക്യാമ്പുകള്‍ക്ക് നേരെ ഇന്ത്യ ആക്രമണം നടത്തിയതിന് ശേഷം ഇത് രണ്ടാം തവണയാണ് സൈനിക താവളം ആക്രമിക്കപ്പെടുന്നത്.
ജമ്മു കശ്മീരിലെ ബാരാമുള്ള ജില്ലയില്‍ സേനാ ക്യാമ്പിനുനേരെ ഭീകരരുടെ ചാവേറാക്രമണം.
ഏറ്റുമുട്ടലില്‍ ഒരു ബിഎസ്എഫ് ജവാന്‍ കൊല്ലപ്പെട്ടു.
