വ്യവസ്ഥാപിത ചാലിലൂടെ അധികം അധ്വാനമില്ലാതെ അധികാരത്തിലെത്തുന്നതിനുള്ള ക്രമത്തിന്റെ മുന്നൊരുക്കമായി വേണം നിതീഷിന്റെ പ്രസ്താവനയെ കാണാൻ. മോദിയെ ബി.ജെ.പി അംഗീകരിക്കുന്നതു പോലെ തന്നെയും പ്രതിപക്ഷം അംഗീകരിക്കണം. അതിനുള്ള ഒരുക്കമാണ് നിതീഷ് തുടങ്ങിയിരിക്കുന്നത്.
വാരാണസിയില്‍ നിന്ന്‍ കൊളംബോയിലേക്ക് എയര്‍ ഇന്ത്യയുടെ നേരിട്ടുള്ള വിമാന സര്‍വീസ് പ്രധാനമന്ത്രി നരേന്ദ്ര മോദി പ്രഖ്യാപിച്ചു. ശ്രീലങ്കന്‍ തലസ്ഥാനമായ കൊളംബോയില്‍ പതിനാലാമത് അന്താരാഷ്ട്ര വെസക് (ബുദ്ധപൂര്‍ണ്ണിമ) ദിനാഘോഷത്തില്‍ പങ്കെടുക്കവേ ആയിരുന്നു പ്രധാനമന്ത്രിയുടെ പ്രഖ്യാപനം. ഇന്ത്യ ശ്രീലങ്കയുടെ സുഹൃത്തായി തുടരുമെന്നും ദ്വീപുരാഷ്ട്രത്തിന്റെ വികസനത്തില്‍ സഹായിക്കുമെന്നും മോദി പറഞ്ഞു.
ഇന്ത്യയുടെ ബഹിരാകാശ ഗവേഷണത്തിലും നയതന്ത്രത്തിലും പുതിയ അധ്യായം എഴുതിക്കൊണ്ട് ഐ.എസ്.ആര്‍.ഒയുടെ ദക്ഷിണേഷ്യന്‍ ഉപഗ്രഹം വിജയകരമായി ഭ്രമണപഥത്തില്‍ എത്തി. ഭൂസ്ഥിര ആശയയവിനിമയ ഉപഗ്രഹം -9 (ജിസാറ്റ്-9) –ല്‍ നിന്നുള്ള വിവരങ്ങള്‍ അഫ്ഗാനിസ്ഥാന്‍, ബംഗ്ലാദേശ്, ഭൂട്ടാന്‍, മാലദ്വീപ്, നേപ്പാള്‍, ശ്രീലങ്ക എന്നീ ദക്ഷിണേഷ്യന്‍ രാഷ്ട്രങ്ങള്‍ക്ക് സൗജന്യമായി ഉപയോഗിക്കാനാകും.
സൈനികരും പ്രക്ഷോഭകരും തമ്മിലുള്ള ഏറ്റുമുട്ടല്‍ വര്‍ധിക്കുന്ന പശ്ചാത്തലത്തിലാണ് പ്രധാനമന്ത്രിയുടെ അഭ്യര്‍ഥന. കഴിഞ്ഞ ദിവസം തീവ്രവാദിയുമായുള്ള ഏറ്റുമുട്ടലിനിടെ പ്രക്ഷോഭകര്‍ സൈനികര്‍ക്ക് നേരെ കല്ലെറിഞ്ഞിരുന്നു.
അഞ്ച് സംസ്ഥാനങ്ങളിലെ തെരഞ്ഞെടുപ്പ് ഫലം പുതിയ ഇന്ത്യയ്ക്കായുള്ള അടിത്തറയാണെന്ന്‍ പ്രധാനമന്ത്രി നരേന്ദ്ര മോദി. 35 വയസിന് താഴെയുള്ള 65 ശതമാനം ജനതയുടെയും സവിശേഷ ബോധമാര്‍ജിച്ച സ്ത്രീകളുടെയും സ്വപ്നങ്ങളുടെയാണ് ഈ ഇന്ത്യ. ദരിദ്രര്‍ എന്തെങ്കിലും ലഭിക്കുന്നോ എന്നതിന് പകരം എന്തെങ്കിലും ചെയ്യാനുള്ള അവസരത്തിന് വേണ്ടി നോക്കുന്നതായിരിക്കും പുതിയ ഇന്ത്യയെന്നും മോദി പറഞ്ഞു. ബി.ജെ.പി ആസ്ഥാനത്ത് പ്രവര്‍ത്തകരെ അഭിസംബോധന ചെയ്യുകയായിരുന്നു അദ്ദേഹം.
ആരോഗ്യകരമായ ജീവിതമേ രോഗത്തെ അകറ്റി നിർത്തൂ എന്നുള്ള കാതലായ അറിവു പോലെ ജനായത്തത്തിന്റെ രസതന്ത്രഘടകങ്ങളെ ജൈവമായി പരിപോഷിപ്പിക്കുന്ന പ്രവർത്തനത്തിലും അതിലേക്ക് ജനതയുടെ ചിന്തയെ നയിക്കുകയും ചെയ്യുമ്പോൾ മാത്രമേ സമൂഹത്തെ പിന്നോട്ടടിക്കുന്ന മതസ്പർധ ഉൾപ്പടെയുള്ള ഘടകങ്ങൾ മാറിനിൽക്കുകയുള്ളു.