പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയുടെ തല വെട്ടുന്നവര്‍ക്ക് 11 ലക്ഷം രൂപ നല്‍കുമെന്ന ബി.ജെ.പി യുവനേതാവിന്റെ പ്രസ്താവനയെ പാര്‍ലിമെന്റില്‍ വിവിധ കക്ഷികളും സര്‍ക്കാറും കടുത്ത ഭാഷയില്‍ അപലപിച്ചു. യുവമോര്‍ച്ച നേതാവ് യോഗേഷ് വര്ഷ്ണിയ്ക്കെതിരെ സംസ്ഥാന സര്‍ക്കാറിന് നടപടിയെടുക്കാമെന്ന് കേന്ദ്രം പ്രതികരിച്ചു.
മമത രാമനവമിയ്ക്കും ഹനുമാന്‍ ജയന്തിയ്ക്കും ഘോഷയാത്ര നടത്താന്‍ അനുവദിക്കുന്നില്ലെന്നും എന്നാല്‍ ഇഫ്താര്‍ നടത്തുകയും മുസ്ലിങ്ങളെ എപ്പോഴും പിന്തുണയ്ക്കുകയും ചെയ്യുന്നുവെന്ന് ആരോപിച്ചാണ് വര്ഷ്ണി പ്രഖ്യാപനം നടത്തിയത്.
പശ്ചിമ ബംഗാളിലെ ജയ്പാല്‍ഗുഡി കുട്ടിക്കടത്ത് കേസില്‍ ബി.ജെ.പി മഹിളാ മോര്‍ച്ച സംസ്ഥാന സെക്രട്ടറി ജൂഹി ചൗധരിയെ അറസ്റ്റ് ചെയ്തു. സംഭവത്തിലെ പ്രധാന പ്രതി ചന്ദന ചക്രവര്‍ത്തിയുടെ മൊഴിയെ തുടര്‍ന്നാണ്‌ അറസ്റ്റ്. ഒളിവിലായിരുന്ന ഇവരെ ഇന്ത്യ-നേപ്പാള്‍ അതിര്‍ത്തിയിലെ ബടാസിയില്‍ നിന്നാണ് അറസ്റ്റ് ചെയ്തത്. ഒരു വയസിനും 14 വയസിനും ഇടയിലുള്ള 17 കുട്ടികളെ ദത്തെടുക്കലിന്റെ മറവില്‍ വിറ്റതായാണ് കേസ്.
ടാറ്റ മോട്ടോഴ്സിന്റെ നാനോ കാര്‍ പദ്ധതിക്കായി പശ്ചിമ ബംഗാളിലെ സിംഗൂരില്‍ ഏകദേശം 1000 ഏക്കര്‍ ഭൂമി ഏറ്റെടുത്ത നടപടി സുപ്രീം കോടതി ബുധനാഴ്ച റദ്ദാക്കി. ഭൂമി തിരിച്ചെടുത്ത് ഉടമകളായിരുന്നവര്‍ക്ക് പുനര്‍വിതരണം ചെയ്യാന്‍ സംസ്ഥാന സര്‍ക്കാറിനോട്‌ കോടതി ഉത്തരവിട്ടു.
സംസ്ഥാനത്തിന്റെ പേര് ബംഗാളിയില്‍ ബംഗ്ല എന്നും ഇംഗ്ലീഷില്‍ ബംഗാള്‍ എന്നും ആക്കി മാറ്റുന്നതിനുള്ള പ്രമേയം പശ്ചിമ ബംഗാള്‍ നിയമസഭ തിങ്കളാഴ്ച പാസാക്കി. മുഖ്യമന്ത്രി മമത ബാനര്‍ജി പേര് മാറ്റുന്നതിനുള്ള നിര്‍ദ്ദേശം ഏതാനും ആഴ്ചകള്‍ക്ക് മുന്‍പ് മുന്നോട്ടുവെച്ചിരുന്നു.
പ്രമേയത്തെ എതിര്‍ത്ത പ്രതിപക്ഷ പാര്‍ട്ടികളെ മമത ബാനര്‍ജി രൂക്ഷമായി വിമര്‍ശിച്ചു. ബംഗാള്‍ ജനത പെരുമാറ്റം അംഗീകരിച്ചതായും കോണ്‍ഗ്രസും സി.പി.ഐ.എമ്മും ബി.ജെ.പിയും ഇതിനെ എതിര്‍ക്കുന്നത് കേവലം എതിര്‍പ്പിന്റെ പേരിലാണെങ്കില്‍ അത് ദൗര്‍ഭാഗ്യകരമാണെന്ന് മമത പറഞ്ഞു.
പശ്ചിമ ബംഗാളില്‍ നാഡിയ ജില്ലയിലെ റാണാഘട്ടില്‍ ബലാല്‍സംഗത്തിനിരയായ കന്യാസ്ത്രീയേയും അക്രമം നടന്ന മഠവും ബുധനാഴ്ച കര്‍ദ്ദിനാള്‍ ബസേലിയോസ് ക്ലിമീസ് സന്ദര്‍ശിച്ചു.
ശാരദ ചിട്ടി തട്ടിപ്പുമായി ബന്ധപ്പെട്ട് പശ്ചിമ ബംഗാള്‍ ഗതാഗത വകുപ്പ് മന്ത്രി മദന്‍ മിത്രയെ സി.ബി.ഐ വെള്ളിയാഴ്ച അറസ്റ്റ് ചെയ്തു. ബംഗാള്‍ മുഖ്യമന്ത്രി മമത ബാനര്‍ജിയുടെ അടുത്ത ആളായാണ് മിത്ര അറിയപ്പെടുന്നത്.
