ചുമതല ഏറ്റെടുത്ത ശേഷം രാഹുല് ഗാന്ധി നടത്തിയ പ്രസംഗം ദൈര്ഘ്യം കുറഞ്ഞതായിരുന്നെങ്കിലും അതില് പലതും പ്രകടമായിരുന്നു. ഒരു കാര്യമുറപ്പാണ് പ്രസംഗത്തിന് പിന്നില് കുറേ അധ്വാനം ഉണ്ടായിട്ടുണ്ട് രാഹുലിന്റെ ഭാഗത്തുനിന്നും ടീമിന്റെ ഭാഗത്തു നിന്നും. പ്രസംഗത്തിനിടയില് ആംഗലേയ ഭാഷ മാറ്റി ഹിന്ദിയിലേക്ക് വന്നതും തിരിച്ച് ആംഗലേയത്തിലേക്ക് പോയതും ഉദാഹരണം.
ഇന്ത്യന് നാഷ്ണല് കോണ്ഗ്രസിന്റെ ദേശീയ അധ്യക്ഷസ്ഥാനത്തേക്ക് രാഹുല് ഗാന്ധി കടന്നു വരികയാണ്. നീണ്ട പത്തൊന്പത് വര്ഷമായി ആ സ്ഥാനത്ത് തുടരുന്ന സോണിയ ഗാന്ധിയുടെ നേതൃത്വത്തിന് ഇതോടെ അവസാനമാകുന്നു. രാജ്യത്തെ ഏറ്റവും പാരമ്പര്യമുള്ള രാഷ്ട്രീയ പ്രസ്ഥാനത്തിന്റെ ഉന്നത പദവിയിലേക്കാണ് രാഹുല് എത്തുന്നത്. അതിനാല് തന്നെ ആ സ്ഥാനാരോഹണം പ്രാധാന്യമര്ഹിക്കുന്നു.
രാഹുല് ഗാന്ധിക്ക് അധികാരം കൈമാറിയ ശേഷം രാഷ്ട്രീയത്തില് തുടരില്ലെന്ന സൂചന നല്കി സോണിയ ഗാന്ധി. കഴിഞ്ഞ മൂന്ന് വര്ഷമായി രാഹുല് ഗാന്ധി പാര്ട്ടിയിലും രാഷ്ട്രീയത്തിലും സജീവമായി ഇടപെടുന്നുണ്ടെന്നും അതിനാല് തന്റെ സാന്നിധ്യം ഇനി ആവശ്യമില്ലെന്നും സോണിയ ഗാന്ധി വ്യക്തമാക്കി.
ഗുജറാത്ത് നിയമസഭാ തിരഞ്ഞെടുപ്പിലെ അവസാനഘട്ട വോട്ടെടുപ്പില് പോളിങ് 63 ശതമാനത്തിന് മുകളില്. രണ്ടാം ഘട്ടത്തില് 93 മണ്ഡലങ്ങളിലേക്കാണ് വോട്ടെടുപ്പ് നടന്നത്. ഇതോടെ 182 അംഗ നിയമസഭയിലേക്കുള്ള വോട്ടെടുപ്പ് പൂര്ത്തിയായി. ഡിസംബര് 18 നാണ് ഫലപ്രഖ്യാപനം. ഹിമാചല് പ്രദേശിലെ ജനവിധിയും അന്നറിയാം.
ഓഖി ചുഴലിക്കാറ്റ് സാരമായി ബാധിച്ച വിഴിഞ്ഞത്തും പൂന്തുറയിലും കന്യാകുമാരിയിലും നിയുക്ത കോണ്ഗ്രസ് അധ്യക്ഷന് രാഹുല് ഗാന്ധി സന്ദര്നം നടത്തി.ദുരന്തത്തില് മരിച്ചവരുടെ ചിത്രങ്ങള്ക്കു മുന്പില് ആദരാഞ്ജലി അര്പ്പിച്ചശേഷം മരിച്ചവരുടെ ബന്ധുക്കളെയും രാഹുല് കണ്ടു. അവരുടെ പരാതികള് കേട്ട അദ്ദേഹം, തന്നാലാവുന്നതെല്ലാം ചെയ്യുമെന്ന് ഉറപ്പു നല്കി.
കുറേ സ്വപ്നങ്ങള് മുന്നോട്ട് വച്ചുകൊണ്ടായിരുന്നു മോഡി തിരഞ്ഞെടുപ്പിനെ നേരിട്ടത്. ആ സ്വപ്നങ്ങള് യാഥാര്ത്ഥ്യമാക്കുന്നത് പോയിട്ട്, അതിനെ സ്വപ്നങ്ങളായി നിലനിര്ത്താന് വരെ മോഡിക്ക് കഴിയുന്നില്ല. വലിയ മാറ്റങ്ങള് മോഡിയിലൂടെ ജനം ആഗ്രഹിച്ചിരുന്നു. കരുത്തനായ നേതാവില് നിന്ന് കേവലം പ്രാസംഗികന് എന്ന തലത്തില് മോഡിയെ കാണാന് ജനങ്ങള് തുടങ്ങിയിരിക്കുന്നു.
