മുതിര്ന്ന മാധ്യമ പ്രവര്ത്തക ഗൗരി ലങ്കേഷ് വധക്കേസില് ആദ്യ അറസ്റ്റ് രേഖപ്പെടുത്തി. കെ ടി നവീന്കുമാര് എന്നയാളെയാണ് കര്ണാടക പോലീസ് അറസ്റ്റ് ചെയ്തത്. ചിക്കമംഗളൂരുവിലെ ബിരൂര് സ്വദേശിയാണ് നവീന് കുമാര്. ഇയാള്ക്ക് സനാതന് സന്സ്തയുമായി ബന്ധമുണ്ടെന്നാണ് സൂചന.
ഐ.എന്.എക്സ് മീഡിയ പണമിടപാട് കേസില് മുന് കേന്ദ്ര മന്ത്രിയും കോണ്ഗ്രസ് നേതാവുമായ പി.ചിദംബരത്തിന്റെ മകന് കാര്ത്തി ചിദംബരത്തെ സി.ബി.ഐ അറസ്റ്റ് ചെയ്തു.
ബാങ്കുകളെ കബിളിപ്പിച്ച് 800 കോടിയോളം രൂപ തട്ടിച്ച സംഭവത്തില് റോട്ടോമാക് പേനാ കമ്പനി ഉടമ വിക്രം കോത്താരിയെ സിബിഐ അറസ്റ്റ് ചെയ്തു. കോത്താരിയുടെ കാണ്പൂരിലെ വീട്ടിലും ഓഫീസിലും റെയ്ഡ് നടത്തിയിരുന്നു.
പഞ്ചാബ് നാഷണല് ബാങ്ക്(പി.എന്.ബി) വായ്പാ തട്ടിപ്പുമായി ബന്ധപ്പെട്ട് മുന്നുപേരെ സി.ബി.ഐ അറസ്റ്റ് ചെയ്തു. പഞ്ചാബ് നാഷണല് ബാങ്കിലെ മുന് ഉദ്യോഗസ്ഥനായ ഗോകുല് നാഥ് ഷെട്ടി ഉള്പ്പെടെയുള്ള മൂന്ന് പേരാണ് അറസ്റ്റിലായത്.
അമേരിക്കയിലെ ഫ്ളോറിഡയില് അച്ചടക്ക നടപടിയുടെ ഭാഗമായി പുറത്താക്കിയ വിദ്യാര്ത്ഥി സ്കൂളില് നടത്തിയ വെടിവെപ്പില് 17 പേര് കൊല്ലപ്പെട്ടു. നിരവധിപ്പേര്ക്ക് പരിക്കേറ്റിട്ടുണ്ട്. നിക്കോളസ് ക്രൂസ് എന്ന 19 കാരനാണ് ആക്രമണം നടത്തിയത്.
യുവനടി സനുഷയെ ട്രെയിനില് വെച്ച് അപമാനിക്കാന് ശ്രമിച്ചയാള് പിടിയില്. തമിഴ്നാട് സ്വദേശി ആന്റോ ബോസ് ആണ് പിടിയിലായത്. കഴിഞ്ഞ ദിവസം രാത്രി മാവേലിക്കര എക്സ്പ്രസില് വച്ചായിരുന്നു സംഭവം.
