മദനിയെ വിമാനത്തില് കയറുന്നതില് നിന്ന് തടഞ്ഞു; പി.ഡി.പി പ്രവര്ത്തകരുടെ പ്രതിഷേധം അക്രമാസക്തം
പി.ഡി.പി നേതാവ് അബ്ദുല് നാസര് മദനിയെ വിമാനം കയറുന്നതില് നിന്ന് തടഞ്ഞ നടപടിയില് പാര്ട്ടി പ്രവര്ത്തകര് നെടുമ്പാശ്ശേരി വിമാനത്താവളത്തില് പ്രതിഷേധിച്ചു. പ്രവര്ത്തകരെ നീക്കം ചെയ്യാനുള്ള പോലീസിന്റെ നീക്കം ചെറുത്തത് സംഘര്ഷത്തിനിടയാക്കി. എട്ടു ദിവസത്തേക്ക് ജാമ്യം ലഭിച്ച മദനിയെ ബംഗലൂരുവില് ഇന്ഡിഗോ വിമാനക്കമ്പനി അധികൃതരാണ് വിമാനത്തില് കയറുന്നത് തടഞ്ഞത്.
നെടുമ്പാശ്ശേരി വിമാനത്താവളത്തിന്റെ ആഭ്യന്തര ടെര്മിനലിന് മുന്നില് നൂറുകണക്കിന് പി.ഡി.പി പ്രവര്ത്തകരാണ് തടിച്ചുകൂടിയത്. ഇന്ഡിഗോ ഓഫീസിന് നേരെയും അക്രമമുണ്ടായി.