തീവ്രവാദം അടക്കമുള്ള ഭീകരപ്രവർത്തനങ്ങൾ നേരിടാൻ സംസ്ഥാനത്തെ പോലീസ് സേനയെ കൂടുതൽ കരുത്തുറ്റതാക്കുമെന്ന് മുഖ്യമന്ത്രി പിണറായി വിജയൻ. തീരപ്രദേശത്തെ ഭീകരപ്രവർത്തനങ്ങൾ നേരിടുന്നതിന് സംസ്ഥാനത്ത് എട്ട് തീരദേശ പൊലീസ് സ്റ്റേഷനുകൾ കൂടി സ്ഥാപിക്കുമെന്ന് മുഖ്യമന്ത്രി അറിയിച്ചു പറഞ്ഞു. ഏകദേശം 600 കിലോമീറ്ററോളം നീളമുള്ള തീരപ്രദേശമാണ് കേരളത്തിനുള്ളത്. അതുകൊണ്ടുതന്നെ, തീവ്രവാദം അടക്കമുള്ള ഭീകരപ്രവർത്തനങ്ങൾ നേരിടുന്നതിന് തീരദേശസംരക്ഷണവും ജാഗ്രതയും അത്യന്താപേക്ഷിതമാണെന്നും മുഖ്യമന്ത്രി പറഞ്ഞു.

ഈ എട്ടു സ്റ്റേഷനുകളിലേക്കുമായി ഓരോ സർക്കിൾ ഇൻസ്പെക്ടർമാർ, രണ്ട് സബ് ഇൻസ്പെക്ടർമാർ, 25 വീതം എഎസ്ഐ/സീനിയർ സിവിൽ പോലീസ് ഓഫീസർ/സിവിൽ പോലീസ് ഓഫീസർമാർ, ഓരോ ഡ്രൈവർമാർ എന്നിങ്ങനെ 29 വീതം തസ്തികകൾ പുതിയതായി സൃഷ്ടിച്ചിട്ടുണ്ടെന്നും മുഖ്യമന്ത്രി വ്യക്തമാക്കി. സ്റ്റേഷനുകൾക്ക് നിരീക്ഷണത്തിനും മറ്റാവശ്യങ്ങൾക്കുമായുള്ള ബോട്ടുകൾ വാടയ്ക്കെടുക്കാനുള്ള അനുമതിയും നൽകിയതായി മുഖ്യമന്ത്രി പറഞ്ഞു.