തടിയന്റവിട നസീര്‍ അടക്കമുള്ള തീവ്രവാദ കേസുകളിലെ 13 പ്രതികളെ പൂജപ്പുര ജയിലില്‍നിന്നും ബാംഗ്ലൂര്‍ ജയിലിലേക്ക് മാറ്റി.  നേരത്തെ നാലു പേരെ മാറ്റിയിരുന്നു ബാക്കിയുള്ളവരെ കഴിഞ്ഞ ദിവസം രാത്രിയോടെയാണ് മാറ്റിയത്.  ബാംഗ്ലൂര്‍ സ്ഫോടനക്കേസിലെ വിചാരണആരംഭിക്കുന്നതിനു മുന്നോടിയായാണ് ജയില്‍ മാറ്റം.

വിചാരണയ്ക്കായി പ്രതികളെ ഇടയ്ക്കിടെ ബാംഗ്ലൂരില്‍ കൊണ്ടുപോയി തിരികെ കൊണ്ടുവരുന്നത് സുരക്ഷാ ഭീഷണി ഉണ്ടാക്കുന്നതിനാല്‍ വിചാണ പൂര്‍ത്തിയാക്കിയ ശേഷമായിരിക്കും പ്രതികളെ തിരികെ കൊണ്ടുവരിക. പൂജപ്പുരയില്‍ പ്രതികളെ താമസിപ്പിച്ചിരിക്കുന്നത് സുരക്ഷാ ഭീഷണി ഉണ്ടാക്കുന്നുണ്ടെന്ന് ഇന്‍റലിജന്‍സ് നേരത്തേ റിപ്പോര്‍ട്ട് ചെയ്തിരുന്നു.