Artificial intelligence
സര്‍ക്കാറിന്റെ ക്ഷേമ പദ്ധതികള്‍ക്ക് ആധാര്‍ നിര്‍ബന്ധമാക്കരുതെന്ന് സുപ്രീം കോടതി. എന്നാല്‍, ബാങ്ക് അക്കൗണ്ട് തുറക്കാനോ നികുതി സമര്‍പ്പിക്കാനോ ആധാര്‍ നമ്പര്‍ നിര്‍ബന്ധമാക്കുന്നതില്‍ നിന്ന്‍ സര്‍ക്കാറിനെ തടയാന്‍ കഴിയില്ലെന്നും കോടതി വ്യക്തമാക്കി.
അയോധ്യയിലെ രാമക്ഷേത്ര നിര്‍മ്മാണം വൈകാരികവും മതപരവുമായ പ്രശ്നമാണെന്നും ഇതിന് കോടതിയ്ക്ക് പുറത്ത് പരിഹാരം കണ്ടെത്താന്‍ ശ്രമിക്കണമെന്നും സുപ്രീം കോടതി നിര്‍ദ്ദേശിച്ചു.
ക്രിമിനല്‍ കേസുകളില്‍ കുറ്റവാളികളെന്ന്‍ കണ്ടെത്തുന്നവര്‍ക്ക് തെരഞ്ഞെടുപ്പില്‍ മത്സരിക്കുന്നതിന് ആജീവനാന്ത വിലക്ക് വേണമെന്ന ആവശ്യത്തെ പിന്തുണച്ച് കേന്ദ്ര തെരഞ്ഞെടുപ്പ് കമ്മീഷന്‍.
ബി.ജെ.പി നേതാവ് മനോഹര്‍ പരിക്കര്‍ ഗോവ മുഖ്യമന്ത്രിയായി സത്യപ്രതിജ്ഞ ചെയ്യുന്നത് തടയണമെന്ന കോണ്‍ഗ്രസിന്റെ ആവശ്യം സുപ്രീം കോടതി നിരാകരിച്ചു.
അഭൂതപൂര്‍വ്വമായ ഒരു നടപടിയില്‍ കല്‍ക്കട്ട ഹൈക്കോടതിയിലെ ജഡ്ജി സി.എസ് കര്‍ണനെതിരെ സുപ്രീം കോടതി അറസ്റ്റ് വാറന്റ് പുറപ്പെടുവിച്ചു. കര്‍ണനെതിരെയുള്ള കോടതിയലക്ഷ്യ കേസില്‍ മാര്‍ച്ച് 31-ന് നേരില്‍ ഹാജരാക്കുന്നതിനാണ് വാറന്റ്. ജാമ്യത്തോടെയാണ് വാറന്റ്.
ഒരു ഹൈക്കോടതി ജഡ്ജിക്കെതിരെ സുപ്രീം കോടതി അറസ്റ്റ് വാറന്റ് പുറപ്പെടുവിക്കുന്ന ആദ്യ സംഭവമാണിത്. ചീഫ് ജസ്റ്റിസ്‌ ജെ.എസ് ഖേഹറിന്റെ നേതൃത്വത്തിലുള്ള ഏഴംഗ ബഞ്ച് ആണ് കോടതിയില്‍ ഹാജരാകാത്ത കര്‍ണ്ണന്റെ നടപടിയില്‍ അതിയായ അമര്‍ഷം രേഖപ്പെടുത്തി പശ്ചിമ ബംഗാള്‍ ഡി.ജി.പിയ്ക്ക് വാറന്റ് നടപ്പിലാക്കാന്‍ നിര്‍ദ്ദേശം നല്‍കിയത്.
ഉച്ചഭക്ഷണ പദ്ധതിയിലെ വിദ്യാര്‍ഥികള്‍ക്ക് ആധാര്‍ നിര്‍ബന്ധമാക്കി കേന്ദ്ര മാനവ വിഭവ ശേഷി മന്ത്രാലയം വിജ്ഞാപനം പുറപ്പെടുവിച്ചു. ജമ്മു കശ്മീര്‍, മേഘാലയ, അസ്സം എന്നീ സംസ്ഥാനങ്ങള്‍ ഒഴികെ രാജ്യത്ത് എല്ലായിടത്തും ഇത് ബാധകമായിരിക്കും. ഫെബ്രുവരി 28-നാണ് വിജ്ഞാപനം പുറപ്പെടുവിച്ചത്.
പദ്ധതിയില്‍ ജോലി ചെയ്യുന്ന പാചകക്കാര്‍ക്കും ആധാര്‍ നിര്‍ബന്ധമായിരിക്കും. ആധാര്‍ നമ്പര്‍ എടുക്കാത്തവര്‍ക്ക് ജൂണ്‍ 30 വരെ സമയം നല്‍കിയിട്ടുണ്ട്.