ഫഹദ് ഫാസിൽ നായകനായ ആവേശം സിനിമയ്ക്ക് ശേഷം കേരളത്തിൽ പ്രഖ്യാപിത ഗുണ്ടകൾ വമ്പൻ രീതിയിൽ  ജന്മദിനം ആഘോഷിക്കുന്നത് പതിവായിരിക്കുന്നു. ചില ആഘോഷവേളകളിൽ നിന്ന് പോലീസിന് ദീർഘനാളായുള്ള പിടികിട്ടാപ്പുള്ളികളെ  കസ്റ്റഡിയിൽ എടുക്കാൻ കഴിയുന്നുണ്ട്. മറ്റുചില ഗുണ്ടാജന്മദിന ആഘോഷ പരിപാടികളിൽ ഉന്നത പോലീസ് ഉദ്യോഗസ്ഥരും പങ്കെടുക്കുന്നു. അത്തരം ആഘോഷത്തിൽ പങ്കെടുത്ത ഒരു പോലീസുകാരൻ പോലീസിന്റെ തന്നെ പിടിയിൽപ്പെട്ട് സമീപകാലത്ത് അറസ്റ്റിലായി.

പിണറായി വിജയൻ സർക്കാരിൻറെ കീഴിലുള്ള നിയമവാഴ്ചാ സംവിധാനം കാതലായ രീതിയിൽ തകർന്നിരിക്കുന്നു.സർക്കാരുമായി ബന്ധപ്പെട്ടവർക്ക് അല്ലെങ്കിൽ മാർക്സിസ്റ്റ് പാർട്ടി പ്രവർത്തകർക്ക് എന്ത് കുറ്റകൃത്യവും ചെയ്യുകയും അത് പരസ്യമായി വിളിച്ച് പറയാൻ കഴിയുകയും ചെയ്യുന്ന അവസ്ഥ നിലവിൽ വന്നിരിക്കുന്നു. 

മോദിയുടെ ദൂതനായി  രാജ്യസുരക്ഷാ സുരക്ഷാഉപദേഷ്ടാവ് അജിത് ഡോവൽ റഷ്യൻ പ്രധാനമന്ത്രി വ്ലാഡിമർ പുടിനുമായി കുടിക്കാഴ്ച നടത്തി.  പ്രധാനമന്ത്രി മോദിയുടെ ദൂതനായിട്ടാണ് അജിത്ത് ഡോവൽ റഷ്യയിലെത്തിയിരിക്കുന്നത്. പ്രധാനമന്ത്രി മോദിയുടെ ഉക്രൈൻ സന്ദർശനത്തിന്റെ വിവരങ്ങൾ പുടിനെ ധരിപ്പിക്കാൻ വേണ്ടിയാണ്  ഡോവൽ റഷ്യയിൽ എത്തിയിട്ടുള്ളത്. 

ഐഫോൺ ഉപഭോക്താക്കളിൽ ചെറിയൊരു ശതമാനത്തിന് മാത്രമേ ഐഫോൺ 16 കൊണ്ട് കാര്യമായി പ്രയോജനം ഉണ്ടാവുകയുള്ളൂ.ഐഫോൺ 15 ൽ നിന്ന് കാര്യമായ മാറ്റങ്ങൾ ഐഫോൺ  16 ൽഉണ്ടെന്ന് അവകാശപ്പെടാൻ പറ്റില്ല. രണ്ടും കാഴ്ചയിലും വലിയ വ്യത്യാസമില്ല.താരതമ്യേന ഐഫോൺ 16ന് കുറച്ച് ഭാരക്കുറവ് ഉണ്ടാവും. ഐഫോൺ 15 ൽ നിന്ന് കാര്യമായ വ്യത്യാസം 16 ൽ ഉള്ളത് അതിൽ ആപ്പിൾ ഇൻറലിജൻസ് ഉപയോഗിച്ചിട്ടുണ്ട് എന്നുള്ളതാണ്.കോർപ്പറേറ്റ് മേഖലകളിൽ പ്രവർത്തിക്കുന്നവർക്കും അതുപോലെ സിനിമ മേഖലയിൽ പ്രവർത്തിക്കുന്നവർക്കുമൊക്കെ  അത് ചിലപ്പോൾ കൂടുതൽ പ്രയോജനകരമായിരിക്കും.