ജനുവരി 12ന് ഐ.എസ്.ആര്‍.ഒ വിക്ഷേപിച്ച ഇന്ത്യയുടെ നൂറാമത് ഉപഗ്രഹമായ കാര്‍ട്ടോസാറ്റ് 2ല്‍ നിന്നുള്ള ചിത്രങ്ങള്‍ ഐ.എസ്.ആര്‍.ഒ പുറത്തുവിട്ടു. കാര്‍ട്ടോസാറ്റ് 2 ഉള്‍പ്പെടെ 31 ഉപഗ്രഹങ്ങളാണ് ഐ.എസ്.ആര്‍.ഒ കഴിഞ്ഞ ദിവസം വിക്ഷേപിച്ചത്. കാര്‍ട്ടോസാറ്റ് പകര്‍ത്തിയ ഇന്‍ഡോറിന്റെ വിവിധ ചിത്രങ്ങളാണ് പുറത്ത് വിട്ടിരിക്കുന്നത്.
ഗൂഗിള്‍ നാവിഗേഷന് ഇന്ത്യയുടെ ബദല്‍ എന്ന നിലയിലാണ് ഐ.എസ്.ആര്‍.ഒ കാര്‍ട്ടോസാറ്റ് ഉപഗ്രഹങ്ങള്‍ വിക്ഷേപിച്ചിരിക്കുന്നത്. ഇന്‍ഡോറിന്റെ ഗൂഗിള്‍ നാവിഗേഷന് വഴിയുള്ള ദൃശ്യവും കാര്‍ട്ടോസാറ്റ് പകര്‍ത്തിയ ചിത്രവും താരതമ്യം ചെയ്താണ് ഐ.എസ്.ആര്‍.ഒ ട്വീറ്റ് ചെയ്തിരിക്കുന്നത്. ഈ ചിത്രങ്ങള്‍ എല്ലാം പറയുന്നുണ്ട്, ഭാവി ഇവിടെയാണെന്നും ഐ.എസ്.ആര്‍.ഒ കുറിച്ചിട്ടുണ്ട്.
