മുംബൈ
സച്ചിന്‍ ടെണ്ടുല്‍കറുടെ അവസാന ടെസ്റ്റ് മത്സരമായ ഇന്ത്യ-വെസ്റ്റിന്‍ഡീസ് ടെസ്റ്റ് പരമ്പരക്കുള്ള ടിക്കറ്റ് വില്‍പന തടസ്സപ്പെട്ടു. മത്സരത്തിന്റെ ടിക്കറ്റ് ലഭിക്കുന്ന വെബ്സെറ്റ് തകരാറിലായതായാണ് കാരണം. ഓണ്‍ലൈനിലൂടെ ടിക്കറ്റ് വില്‍പന തുടങ്ങി നിമിഷങ്ങള്‍ക്കകം തിരക്കുമൂലം വെബ്സൈറ്റ് തകരാറിലാവുകയായിരുന്നു.
സെര്‍വറിന് താങ്ങാനാവുന്നതിലും അധികം ആരാധകര്‍ ഒരേസമയം സൈറ്റ് സന്ദര്‍ശിച്ചതാണ് തകരാറിലാവാന്‍ കാരണം. വെബ്‌സൈറ്റിന്റെ തകരാറുകള്‍ എത്രയും പെട്ടെന്ന് പരിഹരിച്ച് ഉടന്‍ തന്നെ ടിക്കറ്റ് വില്‍പ്പന പുനരാരംഭിക്കുമെന്ന് മുംബൈ ക്രിക്കറ്റ് അസോസിയേഷന്‍ വ്യക്തമാക്കി. നവംബര്‍ 14 മുതലാണ് വാങ്കഡെയില്‍ മത്സരം ആരംഭിക്കുന്നത്.