ബ്രസീലിയ
അന്ത്യം വരെ ആവേശം മുറ്റിനിന്ന കളിയില്‍ പെനാല്‍റ്റി ഷൂട്ടൌട്ടില്‍ (7-6) ഇറ്റലിയെ മറികടന്ന് ലോകചാമ്പ്യന്‍‌മാരായ സ്പെയിന് കോണ്‍ഫെഡറേഷന്‍ കപ്പിന്റെ ഫൈനലില്‍ കടന്നു. ആതിഥേയരും നിലവിലെ ചാമ്പ്യന്മാരുമായ ബ്രസീലിനെ ഞായറാഴ്ച നടക്കുന്ന ഫൈനലില്‍ സ്പെയിന് നേരിടും.
മുഴുവന്‍സമയത്തും അധികസമയത്തും ഗോള്‍രഹിതമായ തുടര്‍ന്ന മത്സരം പെനാല്‍റ്റി ഷൂട്ടൌട്ടില്‍ ജീസസ് നവസിന്റെ ഗോളിലൂടെയാണ് സ്പെയിന് സ്വന്തമാക്കിയത്. ഇറ്റലിയുടെ ലിയനാര്‍ഡോ ബൊനുക്കിയുടെ തൊട്ടുമുന്‍പത്തെ കിക്ക് ബാറിനു മുകളിലേക്ക് പോയിരുന്നു.
1992 ഒളിമ്പിക്സില്‍ സ്വര്‍ണ്ണം നേടിയിട്ടുള്ള നിലവിലെ യൂറോപ്യന്‍ ചാമ്പ്യന്മാരായ സ്പെയിന് കോണ്‍ഫെഡറേഷന്‍ കപ്പു കൂടി നേടിയാല്‍ എല്ലാ സീനിയര്‍ അന്താരാഷ്ട്ര ഫുട്ബാള്‍ കിരീടങ്ങളും ശേഖരത്തിലെത്തിച്ച ബഹുമതി സ്വന്തമാക്കാം.