CPI

കോണ്‍ഗ്രസുമായി സഖ്യം: വാര്‍ത്ത തള്ളി കാനം രാജേന്ദ്രന്‍

കോണ്‍ഗ്രസുമായി സഖ്യത്തിനു തയാറാണെന്ന വാര്‍ത്ത തള്ളി സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍.തലയ്ക്കു സ്ഥിരതയുള്ള ആരും കേരളത്തില്‍ ഇപ്പോള്‍ കോണ്‍ഗ്രസിനോട് സഹകരിക്കില്ലെന്ന് കാനം രാജേന്ദ്രന്‍ മാധ്യമങ്ങളോട് പറഞ്ഞു.

കെ.ഇ ഇസ്മയിലിനെതിരെ തല്‍ക്കാലം നടപടി ഇല്ല

തോമസ് ചാണ്ടിയുടെ രാജിയുമായി ബന്ധപ്പെട്ട് സിപിഐ മന്ത്രിമാര്‍ മന്ത്രിസഭാ യോഗത്തില്‍ നിന്ന് വിട്ടുനിന്ന സംഭവത്തില്‍ പാര്‍ട്ടി നിലപാടില്‍ നിന്നും വ്യത്യസ്ഥ പരാമര്‍ശം നടത്തിയ ദേശീയ എക്‌സിക്യൂട്ടിവ് അംഗം കെ.ഇ  ഇസ്മയിലിനെതിരെ തല്‍ക്കാലം നടപടി വേണ്ടെന്ന് തീരുമാനം. ഡല്‍ഹിയില്‍ ചേര്‍ന്ന സി.പി.ഐ ദേശീയ എക്‌സിക്യൂട്ടീവാണ് ഈ തീരുമാനമെടുത്തത്.

സി.പി.ഐ എന്ന വിഴുപ്പ് ചുമക്കേണ്ട ആവശ്യം സി.പി.എമ്മിനില്ല: എം.എം മണി

സി.പി.ഐക്കെതിരെ രൂക്ഷവിമര്‍ശനവുമായി വൈദ്യുതി മന്ത്രി എം.എം മണി. സി.പി.ഐ എന്ന വിഴുപ്പ് ചുമക്കേണ്ട ആവശ്യം സി.പി.എമ്മിനില്ല,തോമസ് ചാണ്ടി വിഷയത്തില്‍ ഹീറോ ചമയാന്‍ സി.പി.ഐ ശ്രമിക്കുന്നത് മര്യാദ കേടാണെന്നും കടുത്ത ഭാഷയില്‍ മണി വിമര്‍ശിച്ചു.

തോമസ് ചാണ്ടിയുടെ രാജി സി.പി.ഐയിലും ഭിന്നത

ആലപ്പുഴയില്‍ വലിയകുളം സീറോ ജെട്ടി റോഡ് നിര്‍മ്മിക്കുന്നതിന് താന്‍ എം പി ഫണ്ട് അനുവദിച്ചത് പാര്‍ട്ടി പറഞ്ഞിട്ടാണെന്ന് സിപിഐ നേതാവ് കെ.ഇ ഇസ്മയില്‍. പാര്‍ട്ടിയുടെ നിര്‍ദേശപ്രകാരമാണ് എം പി ഫണ്ട് അനുവദിക്കാറുള്ളത്

ദേവികുളം സബ്കളക്ടര്‍ ഐ.എ.എസ് പാസായത് കോപ്പിയടിച്ച്: എസ് രാജേന്ദ്രന്‍ എം.എല്‍.എ

റവന്യൂ വകുപ്പിനെതിരെ വിമര്‍ശനവുമായി ദേവികുളം എം.എല്‍.എ എസ് രാജേന്ദ്രന്‍.മൂന്നാറിലെ പ്രശ്‌നങ്ങള്‍ വനം, റവന്യൂ വകുപ്പുകള്‍ സങ്കീര്‍ണമാക്കുന്നു,ജോയ്‌സ് ജോര്‍ജ് എം.പി കൈവശം വച്ചിരുന്ന കൊട്ടക്കമ്പൂരിലെ ഭൂമിയുടെ പട്ടയം റദ്ദാക്കിയ ദേവികുളം സബ്കളക്ടര്‍ സിവില്‍ സര്‍വീസ് പരീക്ഷ ജയിച്ചത് കോപ്പിയടിച്ചാണെന്നും എസ് രാജേന്ദ്രന്‍ പരിഹസിച്ചു.

ചാണ്ടിയുടെ രാജി: മാധ്യമങ്ങള്‍ വിജയിക്കുമ്പോള്‍ ജനായത്തം പരാജയപ്പെടുന്നു

Glint staff

രാഷ്ട്രീയം ചോര്‍ന്നുപോയാല്‍ പൊള്ളയായ ആവരണം പോലെയാകും ജനായത്തം. ചെറുതായി ചെറുതായുള്ള ഉള്ളൊലിച്ചുപോക്ക് പ്രത്യക്ഷമാകില്ല. അതിനാല്‍ അത് ശ്രദ്ധയില്‍ പെടുകയുമില്ല. പ്രത്യക്ഷത്തില്‍ തോമസ് ചാണ്ടിയുടെ രാജി മാധ്യമങ്ങളുടെ വിജയമാണെന്ന് തോന്നും. പ്രത്യേകിച്ചും ഏഷ്യാനെറ്റിന്റെ ആലപ്പുഴ ലേഖകന്‍ ടി.വി പ്രസാദിന്റെ തിളക്കമാര്‍ന്ന വിജയമായി കരുതാം.

റവന്യൂ വകുപ്പ് നടപടി: മൂന്നാറില്‍ ഈ മാസം 21ന് ഹര്‍ത്താല്‍

മൂന്നാറിലെ 10 പഞ്ചായത്തുകളില്‍ ഈ മാസം 21ന് ഹര്‍ത്താല്‍. മൂന്നാറിലും കൊട്ടക്കമ്പൂരിലും കൈയേറ്റങ്ങള്‍ക്കും അനധികൃത നിര്‍മ്മാണങ്ങള്‍ക്കുമെതിരെ റവന്യൂ, വനം വകുപ്പുകള്‍ എടുക്കുന്ന നടപടികള്‍ റദ്ദാക്കണമെന്ന് ആവശ്യപ്പെട്ടാണ് മൂന്നാര്‍ സംരക്ഷണ സമിതി ഹര്‍ത്താലിന് ആഹ്വാനം ചെയ്തിരിക്കുന്നത്.

സി.പി.ഐ മന്ത്രിമാര്‍ സ്ഥാനമൊഴിയണമെന്ന് രമേശ് ചെന്നിത്തല

കൂട്ടുത്തരവാദിത്വം നഷ്ടമായ പിണറായി മന്ത്രിസഭയില്‍ നിന്ന്  സിപിഐ മന്ത്രിമാര്‍ രാജിവച്ചൊഴിയണമെന്ന് പ്രതിപക്ഷ നേതാവ് രമേശ് ചെന്നിത്തല. മന്ത്രിസഭാ യോഗത്തില്‍ നിന്ന് മന്ത്രിമാര്‍ വിട്ടുനിന്നത് കേരള ചരിത്രത്തിലെ ആദ്യ സംഭവമാണെന്നും മുഖ്യമന്ത്രിയില്‍ വിശ്വാസമില്ലാത്ത മന്ത്രിമാര്‍ മന്ത്രിസഭയില്‍ തുടരുന്നത് അധാര്‍മികമാണെന്നും അദ്ദേഹം പറഞ്ഞു

മന്ത്രിസഭാ യോഗം ബഹിഷ്‌കരിച്ച് സി.പി.ഐ മന്ത്രിമാര്‍

തോമസ് ചാണ്ടി വിഷയം ഇന്നു ചേര്‍ന്ന മന്ത്രിസഭാ യോഗത്തിലും ചര്‍ച്ചയായില്ല. എന്നാല്‍ മന്ത്രിസഭാ യോഗത്തില്‍ തോമസ് ചാണ്ടി പങ്കെടുക്കുകയും ചെയ്തു. ഇതില്‍ പ്രതിഷേധിച്ച് യോഗത്തില്‍ നിന്ന് നിന്ന് സി.പി.ഐയുടെ നാല്  മന്ത്രിമാര്‍ വിട്ടു നിന്നു.

നിയമോപദേശവും തോമസ് ചാണ്ടിക്കെതിര്; കളക്ടറുടെ റിപ്പോര്‍ട്ട് തള്ളിക്കളയാനാകില്ല

ഭൂമി കൈയേറ്റ വിഷയത്തില്‍  അഡ്വക്കേറ്റ് ജനറല്‍ സര്‍ക്കാരിന് നല്‍കിയ നിയമോപദേശം തോമസ് ചാണ്ടിക്കെതിരാണെന്നു സൂചന. കൈയേറ്റം സംബന്ധിച്ച് ആലപ്പുഴ ജില്ലാ കളക്ടര്‍ നല്‍കിയ റിപ്പോര്‍ട്ട് തള്ളിക്കളയാനാകില്ലെന്നും സര്‍ക്കാരിന് വിഷയത്തില്‍ തീരുമാനമെടുക്കാമെന്നുമാണ് നിയമോപദേശത്തില്‍ പറയുന്നത്.

Pages