വാട്‌സ് ആപ്പിന്റെ പുതിയ പോളിസി അപ്‌ഡേഷന്‍ വിവാദമായതിനെ തുടര്‍ന്ന് ജനപ്രീതി വര്‍ധിച്ച മെസേജിങ് ആപ്ലിക്കേഷനാണ് സിഗ്നല്. വാട്സാപ്പ് ഉപേക്ഷിക്കുന്നവര്‍ക്ക് പകരം ഉപയോഗിക്കാവുന്നതായി നിര്‍ദേശിക്കപ്പെടുന്നതും സിഗ്‌നലിനേയാണ്. സിഗ്നല് ഒരിക്കലും വാട്സാപ്പിന് പകരമല്ലെന്ന് പറയുകയാണ് സിഗ്നല് സ്ഥാപകനും വാട്സാപ്പിന്റെ സഹസ്ഥാപകനുമായ ബ്രിയാന്‍ ആക്ടന്‍. 2017ല്‍ വാട്സാപ്പിനെ വാണിജ്യവത്കരിക്കാനുള്ള ഫെയ്സ്ബുക്കിന്റെ ശ്രമങ്ങളെ തുടര്‍ന്ന് കമ്പനിയില്‍നിന്നു രാജിവെച്ചിറങ്ങിയ ആളാണ് ബ്രിയാന്‍ ആക്ടന്‍ . 2018ലാണ്‌സിഗ്‌നല്‍ ഫൗണ്ടേഷന് തുടക്കമിട്ടത്.
വാട്സാപ്പിന്റെയും സിഗ്‌നലിന്റേയും ഉദ്ദേശ്യങ്ങള്‍ വ്യത്യസ്തമാണെന്നും അദ്ദേഹം ടെക്ക് ക്രഞ്ചിന് നല്‍കിയ അഭിമുഖത്തില്‍ പറഞ്ഞു. വാട്സാപ്പിനൊപ്പം തന്നെ ആളുകള്‍ സിഗ്നല് ഉപയോഗിക്കുമെന്നാണ് താന്‍ പ്രതീക്ഷിക്കുന്നതെന്നും അദ്ദേബം വ്യക്തമാക്കി.
