ഹിസ്ബുള്‍ മുജാഹിദ്ദീന്‍ കമാന്‍ഡര്‍ ജുനൈദിനെ കാശ്മീരില്‍ പിടികൂടി. ബന്ദിപോറ ജില്ലയില്‍ നിന്നുമാണ് സുരക്ഷാസേന ഇയാളെ കസ്റ്റഡിയില്‍ എടുത്തത്. മന്‍സൂര്‍, അര്‍ഷാദ് എന്നീ വ്യാജ പേരുകളില്‍ 14 വര്‍ഷമായി തീവ്രവാദ പ്രവര്‍ത്തനം നടത്തിവരികയായിരുന്നു ജുനൈദ്.

ഇയാളില്‍ നിന്നും ഒരു എ.കെ-56 തോക്കും 60 തിരകളും മറ്റ് സ്‌ഫോടകവസ്തുക്കളും സൈന്യം പിടിച്ചെടുത്തു. നിയന്ത്രണ രേഖ മുറിച്ച് കടക്കുന്നതിനായി തീവ്രവാദികളെ ജുനൈദ് സഹായിച്ചിരുന്നെന്ന് പോലീസ് പറയുന്നു. കഴിഞ്ഞ മാസം ഗന്ദർബാൽ ജില്ലയിലുണ്ടായ ഏറ്റുമുട്ടലിൽ അഞ്ചു തീവ്രവാദികളെ സൈന്യം വധിച്ചിരുന്നു. എന്നാൽ അവർക്കൊപ്പം ഉണ്ടായിരുന്ന ജുനൈദ് രക്ഷപ്പെടുകയായിരുന്നു.