കലാഭവന് മണിയുടെ മരണം സി.ബി.ഐ. അന്വേഷിക്കണമെന്ന് ഹൈക്കോടതി
നടന് കലാഭവന് മണിയുടെ മരണം സി.ബി.ഐ. അന്വേഷിക്കണമെന്ന് ഹൈക്കോടതി. അന്വേഷണം ഒരുമാസത്തിനകം ഏറ്റെടുക്കണമെന്നും നിര്ദേശിച്ചിട്ടുണ്ട്. മണിയുടെ സഹോദരന് ആര്.എല്.വി. രാമകൃഷ്ണന് നല്കിയ ഹര്ജിയിലാണ് ഉത്തരവ്.
നേരത്തെ കേസ് സി.ബി.ഐക്ക് കൈമാറുന്നതായി സംസ്ഥാന സര്ക്കാര് വിജ്ഞാപനം ഇറക്കിയിരുന്നു. എന്നാല് മണിയുടെ മരണത്തില് അസ്വഭാവികതയോ ദുരൂഹതയോ കണ്ടെത്താനായിട്ടില്ല എന്നും അതിനാല് കേസ് ഏറ്റെടുക്കാന് സാധിക്കില്ല എന്നും കാട്ടി സി.ബി.ഐ. ഹൈക്കോടതിയില് സത്യവാങ്മൂലം നല്കുകയായിരുന്നു. എന്നാല് ഇത് തള്ളിയാണ് സി.ബി.ഐ. അന്വേഷണത്തിന് കോടതി ഉത്തരവിട്ടത്.
