എന്താണ് ഉമ്മന്‍ ചാണ്ടിയെ വസ്തുതകള്‍ അംഗീകരിക്കുന്നതില്‍ നിന്ന് പിന്നോട്ട് വലിക്കുന്നത്? താന്‍ നയിക്കുന്ന കാലത്തിലല്ല ഉമ്മന്‍ ചാണ്ടി ജീവിക്കുന്നത് എന്ന് വേണമെങ്കില്‍ ഇതിനു മറുപടി പറയാം.

മുഖ്യമന്ത്രി പറയുന്നു, 'രമേശ് മന്ത്രിയാകുന്നു എന്നുള്ളത് മാധ്യമങ്ങൾ നടത്തിയ പ്രചാരണമാണ്.' വിവാദങ്ങൾക്ക് വിരാമമിടാൻ വേണ്ടിയാണ് മുഖ്യമന്ത്രി ഇതു പറഞ്ഞതെങ്കില്‍ എല്ലാവരും കരുതുന്നു, അദ്ദേഹം കളവാണ് പറഞ്ഞതെന്ന്‍. തെല്ലും ആത്മാഭിമാനം കേരളത്തിലെ മാധ്യമങ്ങൾക്കും മാധ്യമപ്രവർത്തകർക്കും ഇല്ലെന്നും മുഖ്യമന്ത്രി കരുതുന്നു.

സുപ്രീം കോടതി കുറ്റക്കാരനെന്നു വിധിച്ച്‌ ശിക്ഷിച്ച ഒരാളെ എന്തടിസ്ഥാനത്തിലാണ് ഇത്തരമൊരു പദവിയില്‍ നിയമിക്കുന്നതെന്നു ചോദിച്ചാല്‍ എന്തുത്തരം ഉമ്മൻ ചാണ്ടി നൽകിയാലും അതുത്തരമാവുകയില്ല.

തെറ്റായ വിവരങ്ങൾ ലഭ്യമാക്കുന്ന ഇന്റലിജൻസ് വകുപ്പ് സംസ്ഥാനത്തിന് ആപത്താണ്. കാരണം ഈ വിവരങ്ങള്‍ സര്‍ക്കാറിന് തീരുമാനങ്ങൾ കൈക്കൊള്ളാൻ ഉപോല്‍ബലകമാകേണ്ടവയാണ്.