ജനാധിപത്യ കേരള കോണ്‍ഗ്രസ് പാര്‍ട്ടി പിരിച്ച് വിട്ടതായി ഫ്രാന്‍സിസ് ജോര്‍ജ്. പാര്‍ട്ടി കേരള കോണ്‍ഗ്രസ് ജോസഫ് വിഭാഗവുമായി ലയിക്കുകയാണെന്നും ഇതിന്റെ ഭാഗമായാണ് തീരുമാനം എന്നും ഫ്രാന്‍സിസ് ജോര്‍ജ് വ്യക്തമാക്കി. ജനാധിപത്യ കേരള കോണ്‍ഗ്രസ് പാര്‍ട്ടി പിരിച്ച് വിട്ടതറിയിച്ച് തിരഞ്ഞെടുപ്പ് കമ്മീഷന് കത്ത് നല്‍കുമെന്നും അദ്ദേഹം പറഞ്ഞു.
കൊവിഡ് 19ന്റെ പശ്ചാത്തലത്തില്‍ യോഗം പെട്ടെന്ന് അവസാനിപ്പിച്ചു. കൂടാതെ പ്രവര്‍ത്തകര്‍ എത്രയും പെട്ടെന്ന് പിരിഞ്ഞ് പോവണമെന്നും നേതാക്കള്‍ നിര്‍ദ്ദേശിച്ചു. സര്‍ക്കാര്‍ പുറപ്പെടുവിച്ച ജാഗ്രതാ നിര്‍ദ്ദേശങ്ങള്‍ ലംഘിച്ചാണ് പാര്‍ട്ടി യോഗം ചേര്‍ന്നത്. വിവിധ ജില്ലകളില്‍ നിന്നായി 300 പേരാണ് യോഗത്തില്‍ പങ്കെടുത്തത്. മൂവാറ്റുപുഴയിലാണ് യോഗം സംഘടിപ്പിച്ചത്.
