ആഗോള ടെക് കമ്പനിയായ ആമസോണ്‍ ഹോളിവുഡിലെ പ്രശസ്തമായ എം.ജി.എം. സ്റ്റുഡിയോസ് സ്വന്തമാക്കുന്നു. ഏതാണ്ട് 61,500 കോടി രൂപയ്ക്കാണ് സ്വന്തമാക്കിയിരിക്കുന്നത്. 2017ല്‍ 1,370 കോടി ഡോളറിന് ഹോള്‍ ഫുഡ്‌സ് എന്ന കമ്പനിയെ ആമസോണ്‍ സ്വന്തമാക്കിയിരുന്നു. ആമസോണിനെ സംബന്ധിച്ചിടത്തോളം രണ്ടാമത്തെ വലിയ ഏറ്റെടുക്കലാണ്. ലോകത്തിലെ ഏറ്റവും പഴയ ചലച്ചിത്ര സ്റ്റുഡിയോകളിലൊന്നായ എം.ജി.എം. ചലച്ചിത്ര നിര്‍മാണ, വിതരണ രംഗങ്ങളിലും വലിയ ആധിപത്യമുണ്ട്.
2010ലാണ് വിനോദ രംഗത്തേയ്ക്കും ആമസോണ്‍ കടന്നത്. ഇപ്പോള്‍ ആമസോണ്‍ സ്റ്റുഡിയോസ് എന്ന പേരില്‍ അമേരിക്കന്‍ ടെലിവിഷന്‍ പരമ്പരകളും ചിത്രങ്ങളും നിര്‍മിക്കുകയും വിതരണം ചെയ്യുകയും ചെയ്യുന്നുണ്ട്.
മെട്രോ പിക്‌ചേഴ്‌സ് എന്ന പേരില്‍ 1924-ല്‍ ആയിരുന്നു എം.ജി.എമ്മിന്റെ തുടക്കം. ഗോള്‍ഡ് വിന്‍ പിക്‌ചേഴ്‌സ്, ലൂയിസ് ബി മേയര്‍ പിക്‌ചേഴ്‌സ് എന്നിവയെക്കൂടി ഏറ്റെടുത്തതോടെ കമ്പനിയുടെ പേര് മെട്രോ ഗോള്‍ഡ് വിന്‍ മേയര്‍ (എം.ജി.എം.) എന്നായി മാറി. ജെയിംസ് ബോണ്ട് ചിത്രങ്ങള്‍, ബോക്‌സിങ് ചിത്രങ്ങളായ റോക്കി എന്നിവയൊക്കെ എം.ജി.എം ആയിരുന്നു നിര്‍മ്മിച്ചത് .
