ഒരു ഭരണകക്ഷി എംഎൽഎ പരസ്യമായി പറയുന്നു താൻ ഫോൺ ചാർത്തിയിട്ടുണ്ടെന്ന്.അത് പോലീസിലെ തന്നെ ചില ഉദ്യോഗസ്ഥരെ ഉപയോഗിച്ചുകൊണ്ട്.അവരെ ഉദ്ധരിച്ചുകൊണ്ട് അദ്ദേഹം പറയുന്നു, കേരള പോലീസിലെ സൈബർ സെൽ മന്ത്രിമാരുൾപ്പെടെ എല്ലാവരുടെയും ഫോൺ ചോർത്തുന്നു എന്ന്.
ഇത് പരസ്യമായി പറഞ്ഞിട്ട് ആഴ്ചകൾ കഴിഞ്ഞു.ഫോൺ ചോർത്തൽ ഇന്ത്യൻ നിയമവ്യവസ്ഥയിൽ കുറ്റകരമാണ്.ഒരു കുറ്റകൃത്യം കുറ്റവാളി പരസ്യമായി സമ്മതിച്ചിട്ടും സർക്കാർ ഒരു നടപടിയും സ്വീകരിക്കുന്നില്ല.കുറ്റകൃത്യം കണ്ടിട്ട് നടപടിയെടുക്കേണ്ടവർ നടപടി എടുക്കാതിരിക്കുന്നത് ചെയ്യപ്പെട്ട കുറ്റകൃത്യത്തേക്കാൾ ഗുരുതരമായ കുറ്റമാണ്.
ഗുരുതരമായ കുറ്റകൃത്യങ്ങൾ കുറ്റവാളികൾ സമ്മതിച്ചിട്ടു പോലും നടപടി ഉണ്ടാകുന്നില്ല എങ്കിൽ സാധാരണ ജനങ്ങൾക്ക് കേരളത്തിലെ നിയമ വ്യവസ്ഥയിൽ എങ്ങനെ വിശ്വാസമുണ്ടാകും.തികഞ്ഞ അരാജകത്വമാണ് ഇപ്പോൾ കേരളത്തിൽ നിലനിൽക്കുന്നത്
