തമിഴകത്തിലെ ദ്രാവിഡ രാഷ്ട്രീയത്തിന്റെ അച്ചുതണ്ട് ഒടിഞ്ഞത് തിരിച്ചറിഞ്ഞ് ആകണം അണ്ണാമലൈ പുതിയ രാഷ്ട്രീയകക്ഷി രൂപീകരിക്കാനുള്ള നീക്കം നടത്തുന്നത്. തമിഴ്നാട് ബിജെപി അധ്യക്ഷ സ്ഥാനത്തുനിന്ന് അണ്ണാമലെ മാറ്റപ്പെട്ട നാൾ മുതൽ അദ്ദേഹം അസ്വസ്ഥനാണ്. കഴിഞ്ഞ നിയമസഭാ തിരഞ്ഞെടുപ്പിൽ മത്സരിക്കാതെ മാറി നിന്നതും അതിന് ഉദാഹരണം.
ദ്രാവിഡ രാഷ്ട്രീയത്തിന്റെ അച്ചുതണ്ട് ഒടിഞ്ഞ പശ്ചാത്തലത്തിൽ രൂപീകൃതമാകുന്ന ഒരു രാഷ്ട്രീയ ശൂന്യതയുണ്ട്. ആ ശൂന്യത നിറക്കുക എന്ന കണക്കുകൂട്ടൽ ആണ് ഇപ്പോൾ അണ്ണാമലയെ നയിക്കുന്നത്.അതിൽ ഭാരതീയമായ മൂല്യങ്ങളും അതിനെ തമിഴ് സംസ്കാരവുമായി വിളക്കിച്ചേർത്തു കൊണ്ടുള്ള രാഷ്ട്രീയ പദ്ധതിയായിരിക്കും അണ്ണാമലൈ രൂപപ്പെടുത്തുക.അത്തരത്തിലൊരു അടിത്തറ ആശയപരമായി ഇന്ന് പോകാൻ തമിഴക രാഷ്ട്രീയത്തിൽ അണ്ണാമലെക്ക് അല്ലാതെ മറ്റാർക്കും പറ്റുകയുമില്ല.അണ്ണാമലൈ രജനികാന്ത് മായി ചർച്ച ചെയ്യുന്നു എന്നും കേൾക്കുന്നു.അതും ഇത്തരം ഒരു പുതിയ രാഷ്ട്രീയ ആശയത്തിന് മൂർത്തരൂപം നൽകുന്നതിന് പല രീതിയിൽ സഹായകമാകും
