Artificial intelligence
ഇന്നലെ കര്ണാടക മുഖ്യമന്ത്രിയായി സത്യപ്രതിജ്ഞ ചെയ്ത ബി.എസ് യെദിയൂരപ്പ നാളെ വൈകീട്ട് നാല് മണിക്ക് മുമ്പ് നിയമസഭയില് ഭൂരിപക്ഷം തെളിയിക്കണമെന്ന് സുപ്രീം കോടതി. തിങ്കളാഴ്ച വരെ സമയം നല്കണമെന്ന യെദിയൂരപ്പയുടെ ആവശ്യം കോടതി തള്ളി. രഹസ്യ ബാലറ്റ് പാടില്ലെന്നും കോടതി നിര്ദേശിച്ചു.
സര്ക്കാര് രൂപീകരണത്തിനായി ബി.ജെ.പിയെ ക്ഷണിച്ച കര്ണാടക ഗവര്ണറുടെ നടപടിക്കെതിരെ മുതിര്ന്ന അഭിഭാഷകനും നിയമവിദഗ്ധനും മുന് കേന്ദ്രമന്ത്രിയുമായ രാം ജഠ്മലാനി സുപ്രീംകോടതിയെ സമീപിച്ചു.
സുപ്രീംകോടതി ജഡ്ജിയായി ജസ്റ്റിസ് കെ.എം ജോസഫിന്റെ പേര് വീണ്ടും ശുപാര്ശ ചെയ്യാന് ഇന്ന് ചേര്ന്ന കൊളീജിയം യോഗത്തില് തീരുമാനമായി. എന്നാല് പേര് ഒറ്റയ്ക്ക് വീണ്ടും അയക്കണോ എന്ന കാര്യത്തില് അനിശ്ചിതത്വം നിലനില്ക്കുന്നുണ്ട്.
ഐ.എസ്.ആര്.ഒ ചാരക്കേസില് നമ്പി നാരായണനെ കുരുക്കിയവര്ക്കെതിരെ അന്വേഷണം നടത്താന് സി.ബി.ഐ സുപ്രീം കോടതിയില് സന്നദ്ധത അറിയിച്ചു.
ചീഫ് ജസ്റ്റിസ് ദീപക് മിശ്രയെ ഇംപീച്ച് ചെയ്യാന് പ്രതിപക്ഷം കൊണ്ടുവന്ന പ്രമേയം തള്ളിയ രാജ്യസഭാ അധ്യക്ഷന് വെങ്കയ്യ നായിഡുവിന്റെ നടപടി ചോദ്യം ചെയ്ത് രണ്ട് കോണ്ഗ്രസ് എം.പിമാര് സമര്പ്പിച്ച ഹര്ജി പിന്വലിച്ചു.
ജമ്മുകശ്മീരിലെ കത്തുവയില് എട്ട് വയസ്സുകാരിയെ കൂട്ടബലാത്സംഗത്തിന് ഇരയാക്കി കൊലപ്പെടുത്തിയ കേസിലെ വിചാരണ കശ്മീരില് നിന്ന് പഠാന്കോട്ടിലേക്ക് മാറ്റി. കേസിന്റെ വിചാരണ ജമ്മുകശ്മീരിന് പുറത്തേക്ക് മാറ്റണമെന്ന പെണ്കുട്ടിയുടെ കുടുംബത്തിന്റെ ആവശ്യം പരിഗണിച്ചാണ് സുപ്രീം കോടതി നടപടി.
