1980 കള്‍ മുതലുള്ള കര്‍ണ്ണാടകത്തിന്റെ രാഷ്ട്രീയ ചരിത്രം, സംസ്ഥാനത്ത് ഭരണത്തിലിരിക്കുന്ന പാര്‍ട്ടി കേന്ദ്രത്തില്‍ പ്രതിപക്ഷത്തിരിക്കുന്ന അവസ്ഥ, കോണ്‍ഗ്രസിന് ദു:സ്സൂചനയാണ് നല്‍കുക.

ആളുകള്‍ കണ്ട് കണ്ടാണ്‌ കടല്‍ വലുതാവുന്നതെന്ന കവിവാക്യം പോലെ പറഞ്ഞ് പറഞ്ഞാണ് നേതാക്കള്‍ വലുതാവുന്നത്.

ഗുജറാത്ത് കലാപത്തിന്റെ പേരിലും സ്വേച്ഛാധികാര പ്രവണതകളുടെ പേരിലും മോഡിക്കെതിരെ നടന്ന പ്രചാരണങ്ങളില്‍ ആദ്യത്തേത് ബി.ജെ.പി. എന്ന പാര്‍ട്ടിയെ മോഡിയുടെ കൈവെള്ളയില്‍ വെച്ചു കൊടുത്തപ്പോള്‍ രണ്ടാമത്തേത് ഇന്ത്യ നേരിടുന്ന ജനാധിപത്യത്തിലുള്ള വിശ്വാസ ശോഷണത്തെ അഭിസംബോധന ചെയ്യാതെ, അതിനെ ഉപയോഗിക്കാനുള്ള അവസരം മോഡിക്ക് തുറന്നു കൊടുത്തു.