പൊതുസമൂഹത്തിൽ ഉപയോഗിക്കേണ്ട ചുരുങ്ങിയ മര്യാദ പോലും പാലിക്കാൻ അറിയാത്ത ജോർജിന്റെ വാക്കുകൾക്കും അദ്ദേഹത്തിന്റെ വിലയിരുത്തലുകൾക്കും കേരളീയ സമൂഹത്തിൽ എന്താണ് പ്രസക്തി? സ്വയം ബഹുമാനം മാദ്ധ്യമപ്രവർത്തകർക്ക് ഉണ്ടാകേണ്ടതിന്റെ ആവശ്യകത ഇവിടെയാണ് പ്രസക്തമാകുന്നത്.
മാധ്യമങ്ങളുടെ പ്രവർത്തനത്തിൽ അധമരീതികൾ വന്നാൽ അത് എവിടെ എങ്ങിനെയാണ് ഫലമുണ്ടാക്കുക എന്ന് പ്രവചിക്കാൻ പറ്റില്ല. മാധ്യമ നിയന്ത്രിതമായ ഇന്നത്തെ പശ്ചാത്തലത്തിൽ സലോമിമാരെ ലിംഗഭേദമന്യേ കണ്ടെത്താൻ കഴിയുന്നു. ഇവിടെ ഗതികെട്ട കേരളാംബയുടെ സൗമ്യചിത്രം സലോമിയിൽ കാണാൻ കഴിയുന്നു.
ഭാര്യയെ വയറ്റത്തു ചവിട്ടി ഗർഭം അലസിപ്പിച്ചവനെ ഇന്നത്തെ കേരളത്തിലെ കവലയിലൂടെ പോലീസിനു കൊണ്ടുപോകാൻ ബുദ്ധിമുട്ടാണ്. കാരണം കവലയിലെ ജനം കൈകാര്യം ചെയ്യും. ആ കൈകാര്യം ചെയ്യുന്ന ജനത്തിന്റെ ജനക്കൂട്ട വൈകാരികതയ്ക്ക് മാധ്യമപ്രവർത്തകരും മാധ്യമങ്ങളും അടിപ്പെടുന്നതു കൊണ്ടാണ് ഗർഭം അലസിപ്പിക്കാൻ ഭർത്താവ് ഭാര്യയുടെ വയറ്റിൽ ചവിട്ടിയെന്ന് നിസ്സങ്കോചം മാധ്യമങ്ങൾ റിപ്പോർട്ട് ചെയ്യുന്നത്.
നിയമങ്ങളുടെ പുറത്തുപോവുകയും നിയമങ്ങൾക്കകത്തു നിന്നു കളിക്കുമ്പോൾ ഉണ്ടാകേണ്ട ഹരവും രസവും ഉണ്ടാകണമെന്ന് വിചാരിക്കുകയും ചെയ്യുമ്പോൾ പിഴക്കുന്ന ജീവിതത്തിന്റെ റിയാലിറ്റി സീരിയലായിരുന്നു ശശി തരൂരിന്റേയും സുനന്ദയുടേയും ജീവിതം.
തെരുവിന്റെ കാഴ്ചപ്പാട് മാധ്യമപ്രവർത്തനത്തിന് പര്യാപ്തമോ? സന്ധ്യയെന്ന സാധാരണ വീട്ടമ്മയുടെ പെരുമാറ്റത്തിലെ ആക്രമണോത്സുകത പെൺകരുത്തിന്റെ പ്രതീകമായി ഉയർത്തിക്കാട്ടി മാധ്യമങ്ങൾ അവതരിപ്പിക്കുന്നത് സമൂഹത്തിന് ഗുണകരമോ?
വര്ത്തമാന കേരളീയ സമൂഹത്തില് അപ്രത്യക്ഷമായ ചില മര്യാദകളും കാണപ്പെടുന്ന ചില അനഭിലഷണീയ പ്രവണതകളോടുള്ള വിമര്ശനവും അലക്സാണ്ടര് ജേക്കബിന്റെ പ്രതികരണത്തില് ഉണ്ട്. കോണ്ഗ്രസ്-സി.പി.ഐ.എം രാഷ്ട്രീയ തര്ക്കത്തിന്റെ കണ്ണടയിലൂടെ കാണേണ്ട ഒന്നല്ല, ഈ പ്രതികരണത്തിലെ മൂല്യബോധവും സാമൂഹ്യവിമര്ശനവും.
