രാജ്യത്ത് പ്രതിദിന കൊവിഡ് കേസുകള്‍ കുറയുന്നു. 24 മണിക്കൂറിനിടെ 30,548 കൊവിഡ് 19 പോസിറ്റീവ് കേസുകളും 435 മരണവും ആണ് റിപ്പോര്‍ട്ട് ചെയ്തത്. ഇതോടെ ആകെ പോസിറ്റീവ് കേസുകള്‍ 88,45,127 ആയി. ആകെ മരണം 1,30,070 ല്‍ എത്തി. 4,65,478 പേരാണ് നിലവില്‍ കൊവിഡ് 19 ബാധിച്ച് ചികിത്സയില്‍ കഴിയുന്നത്. 24 മണിക്കൂറിനിടെ 43,851 പേര്‍ക്കാണ് രോഗം ഭേദമായത്. ഇതോടെ ആകെ രോഗമുക്തരുടെ എണ്ണം 82,49,579 ആയി.
മഹാരാഷ്ട്രയിലാണ് ഏറ്റവും കൂടുതല്‍ കൊവിഡ് ബാധിതരുള്ളത്. ഡല്‍ഹിയിലും കൊവിഡ് ബാധ രൂക്ഷമാണ്. ഈ സാഹചര്യത്തില്‍ ഡല്‍ഹിയില്‍ പ്രത്യേക ക്രമീകരണങ്ങള്‍ ഏര്‍പ്പെടുത്താന്‍ ഡല്‍ഹി സര്‍ക്കാര്‍ തീരുമാനിച്ചിട്ടുണ്ട്. കൊവിഡ് രൂക്ഷമായ സംസ്ഥാനങ്ങളുടെ പട്ടികയില്‍ തൊട്ടുപ്പിനാലെ കര്‍ണാടക, ആന്ധ്രാ പ്രദേശ്, തമിഴ്നാട്, കേരളം എന്നീ സംസ്ഥാനങ്ങളാണ് ഉള്ളത്.
