മുൻമന്ത്രിയും സിപിഎം നേതാവുമായ എംഎം മണി കൊലവിളി നടത്തിയിട്ടുള്ളതും, തൻ്റെ നേതൃത്വത്തിൽ ആസൂത്രണം ചെയ്ത കൊലപാതകങ്ങളെ എണ്ണി പറയുകയും ചെയ്തിട്ടുള്ളത് ഏവർക്കുമറിയാം. ആ എംഎം മണിക്ക് ഇടുക്കി ജില്ലയിൽ നിന്ന് മറ്റൊരു പിൻഗാമി. പീരുമേട് സിപിഎം ഏരിയാ സെക്രട്ടറി എസ് . ബാബു.
കഴിഞ്ഞ 10 വർഷം ഉപയോഗിച്ചില്ലെങ്കിലും, തേച്ചുമിനുക്കിയ വാരിക്കുന്തങ്ങൾ ഇപ്പോഴും തങ്ങളുടെ ഓഫീസിൽ ഭദ്രമായിരിപ്പുണ്ട്. അത് പുറത്തെടുത്താൽ, കോൺഗ്രസുകാർ തിരികെ വീട്ടിൽ പോകില്ലെന്നുമുള്ള കൊലവിളി പരസ്യമായി നടത്തിയിരിക്കുകയാണ് എസ് . ബാബു. മന്ത്രി വീണ ജോർജിന് എതിരെയുള്ള യൂത്ത് കോൺഗ്രസ് ആക്രമണത്തിൽ പ്രതിഷേധിച്ച് പ്രസംഗിക്കുകയായിരുന്നു ബാബു. ഈ കൊലവിളി അദ്ദേഹം പല കുറി പ്രസംഗത്തിൽ ആവർത്തിക്കുകയും ചെയ്തു
