ലോക്സഭ തിരഞ്ഞെടുപ്പില് നിലപാട് വ്യക്തമാക്കുന്ന ഇടയലേഖനം കത്തോലിക്ക സഭയുടെ പള്ളികളില് ഇന്ന് കുര്ബ്ബാനക്കിടയില് വായിച്ചു. കസ്തൂരിരംഗന് റിപ്പോര്ട്ടില് മനുഷ്യനെ അവഗണിച്ച് ഭൂമിയെയും ജന്തുജാലങ്ങളെയും സംരക്ഷിക്കുന്നവരെ അവഗണിക്കണമെന്നും അവരെ തെരഞ്ഞെടുപ്പില് തോല്പ്പിക്കണമെന്നും ഇടയലേഖനത്തില് ആവശ്യപ്പെട്ടിട്ടുണ്ട്. പശ്ചിമഘട്ടത്തില് ആശങ്കയോടെ ജീവിക്കുന്ന സാധാരണക്കാരായ കൃഷിക്കാരുടെ സംരക്ഷണം ഉറപ്പുവരുത്തുന്ന വ്യക്തികളെയാണ് രാജ്യത്തിന് ആവശ്യമെന്നും ഇടയലേഖനത്തില് വിശദീകരിച്ചിട്ടുണ്ട്.
കേരളത്തിലെ തീരദേശജനതയുടെയും മലയോരങ്ങളില് ജീവിക്കുന്നവരുടെയും ആശങ്ക ശ്വാശ്വതമായി പരിഹരിക്കാന് സാധിക്കുന്നവരെ തിരഞ്ഞെടുക്കാന് നമുക്ക് സാധിക്കണം. പരിസ്ഥിതി സംരക്ഷണം ജീവിതതത്തിന്റെ ഭാഗമായി കണ്ട് പ്രവര്ത്തിക്കുന്നവരാണ് കത്തോലിക്ക വിശ്വാസികള്. എന്നാല് മനുഷ്യരെ അവഗണിച്ച് ഭൂമിയെയും സസ്യജന്തുജീവജാലങ്ങളെയും സംരക്ഷിക്കാന് പരിശ്രമിക്കുന്ന സമീപനങ്ങള് തിരുത്താന് കൂടി നമുക്ക് സാധിക്കണമെന്നും ഇടയലേഖനത്തില് പറയുന്നു.
