സുഹൃത്തുക്കളുമായുള്ള കൂട്ടായ്മയ്ക്ക് മാളിലേക്ക് കൗമാരക്കാരിയെ അപ്പൂപ്പന്റേയും അമ്മൂമ്മയുടേയും അകമ്പടിയോടെ അയക്കുന്ന മാതാപിതാക്കളുടെ 'സ്നേഹം' ചെയ്തുവെക്കുന്നത്

കുഞ്ഞുങ്ങളുടെ നിഷ്കളങ്കത ആസ്വദിക്കുന്നതിന് ബുദ്ധിമുട്ടുള്ള മുതിർന്നവർക്ക് ചെയ്യാവുന്ന വലിയ കാര്യം കുഞ്ഞുങ്ങളെ അവരുടെ പാട്ടിനു വിടുക എന്നുള്ളതാണ്.

മുതിർന്നവരുടെ ദേഷ്യച്ചൂടിന്റെ മുന്നിൽ നിൽക്കുന്ന കുട്ടികളുടെ ആന്തരിക സമ്മർദ്ദം ആലോചിച്ചാൽ മനസ്സിലാകുന്നതേ ഉള്ളു. കുട്ടികളിൽ പ്രമേഹം കാണാറുള്ളതു പോലെ ഇനിയീ കുട്ടികളിൽ രക്താതിസമ്മർദ്ദ രോഗവും ഉണ്ടായാൽ അതിശയപ്പെടാനില്ല.

കുട്ടികള്‍ കൗമാരത്തിന്റെ കവാടം മലർക്കെ തുറന്നിട്ടാലും അതിൽകൂടി പ്രവേശിച്ച് അവരുടെ കൗമാരകാലത്ത് സൗഹൃദവും സന്തോഷവും പങ്കിടാന്‍ രതിയെക്കുറിച്ച് പല കാരണങ്ങൾ കൊണ്ട് ഉള്ളിൽ പ്രവേശിച്ചിട്ടുള്ള അബദ്ധധാരണകൾ നിലനില്‍ക്കുന്നിടത്തോളം  രക്ഷിതാക്കൾക്ക് സാധ്യമാകില്ല.

സ്‌നേഹനിധികളായ അമ്മമാരും അച്ഛന്മാരും കുഞ്ഞുങ്ങളോട് സംസാരിക്കുന്നതും അവരുടെ മുന്നിൽ പ്രവർത്തിക്കുന്നതും പ്രവർത്തിക്കാതിരിക്കുന്നതുമെല്ലാം അവർ അവരുടെ നിഷ്‌കളങ്കതയെന്ന ശ്രദ്ധ കൊണ്ട് കൃത്യമായി അറിയുന്നുണ്ടെന്നുള്ളത് മറക്കാൻ പാടില്ല.