ബി.ജെ.പി കേരളത്തിൽ രണ്ടു സീറ്റിനു മാത്രം വേണ്ടി പോരാടി

ഇക്കുറി ലോക്സഭാ തിരഞ്ഞെടുപ്പിൽ തങ്ങളുടെ വോട്ട് ശതമാനം വർദ്ധിപ്പിക്കുക എന്ന മുഖ്യ ലക്ഷ്യത്തിൽ നിന്നും  മാറി രണ്ട് സീറ്റുകൾ കേരളത്തിൽ നേടുക എന്നതിൽ കേന്ദ്രീകരിച്ചായിരുന്നു ബിജെപിയുടെ തന്നെതെരഞ്ഞെടുപ്പ് പ്രചാരണം .  അതിനാൽ ബിജെപിയുടെ സകല ശക്തിസ്രോതസ്സുകളും തൃശൂർ തിരുവനന്തപുരം മണ്ഡലങ്ങളിലേക്ക് കേന്ദ്രീകരിക്കുകയാണ് ഉണ്ടായത്. ഇതിൻറെ ഫലമായി മറ്റ് മണ്ഡലങ്ങളിൽ വിശേഷിച്ചും എറണാകുളം പോലുള്ള മണ്ഡലങ്ങളിൽ പേരിനുള്ള മത്സരം എന്ന പ്രതീതിയാണ് ബിജെപി കാഴ്ചവെച്ചത്. തീർച്ചയായും ആറ്റിങ്ങൽ,ആലപ്പുഴ പത്തനംതിട്ട ജില്ലകളിലെ ബിജെപിയുടെ സാന്നിധ്യം അവിടുത്തെ സ്ഥാനാർത്ഥികളുടെ സവിശേഷതയിലൂടെ വിളിച്ചറിയിക്കപ്പെട്ടിട്ടുണ്ട് എന്നുള്ളത് യാഥാർഥ്യമാണ്