Pathanamthitta
പി.സി ജോര്‍ജിന്റെ ജനപക്ഷം പാര്‍ട്ടി എന്‍.ഡി.എയില്‍ ചേര്‍ന്നു. ബി.ജെ.പി സംസ്ഥാന അധ്യക്ഷന്‍ പി.എസ്.ശ്രീധരന്‍പിള്ളയും പി.സി.ജോര്‍ജും പത്തനംതിട്ടയില്‍ നടത്തിയ സംയുക്ത വാര്‍ത്താസമ്മേളനത്തിലാണ് മുന്നണി പ്രവേശം പ്രഖ്യപിച്ചത്. നേരത്തെ പി.സി ജോര്‍ജ് പത്തനംതിട്ടയില്‍ കെ.സുരേന്ദ്രനെ പിന്തുണയ്ക്കുമെന്ന് വ്യക്തമാക്കിയിരുന്നെങ്കിലും പക്ഷേ ഒരു മുന്നണിയുടെയും ഭാഗമാകില്ലെന്നാണ് പറഞ്ഞിരുന്നത്. ഈ നിലപാടില്‍ നിന്നാണ് ജോര്‍ജ് ഇപ്പോള്‍ മലക്കം മറിഞ്ഞിരിക്കുന്നത്.
പത്തനംതിട്ടയില്‍ കെ സുരേന്ദ്രന്‍ 75,000 വോട്ടിന് വിജയിക്കുമെന്നും തിരുവനന്തപുരം, കോട്ടയം, തൃശൂര്‍ എന്നീ മണ്ഡലങ്ങള്‍ എന്‍.ഡി.എ പിടിക്കുമെന്നും പി.സി ജോര്‍ജ് പറഞ്ഞു.
