മറിമായം, എം.80 മൂസ തുടങ്ങിയ സൂപ്പര്ഹിറ്റ് പരമ്പരകലിലൂടെ മലയാളി പ്രക്ഷകരുടെ പ്രിയ താരമായി മാറിയ വിനോദ് കോവൂര് ആലാപന രംഗത്തേക്കും കാല് വെക്കുകയാണ്. മര്വ്വാ വിഷ്വല് മീഡിയയുടെ ബാനറില് പ്രൊഫ.എ.കൃഷ്ണകുമാര് നിര്മ്മിച്ച് സജി വൈക്കം രചനയും സംവിധാനവും നിര്വ്വഹിക്കുന്ന 'നിദ്രാടനം'എന്ന ചിത്രത്തിനുവേണ്ടിയാണ് വിനോദ് കോവൂര് പിന്നണി ഗായകനാകുന്നത്.
''ചെണ്ട കൊട്ടണടീ ചങ്കില് ചേങ്കില കൊട്ടണടീ....' എന്നു തുടങ്ങുന്ന നാടന് പാട്ടിന്റെ ശൈലിയിലുള്ള ഗാനമാണ് വിനോദ് ആലപിച്ചിരിക്കുന്നത്.ചിത്രത്തിനു വേണ്ടി ഗാനങ്ങള് രചിച്ചിരിക്കുന്നത് പ്രഭാവര്മ്മയും സജി വൈക്കവുമാണ്, സംഗീതം കിളിമാനൂര് രാമവര്മ്മയും.
കഴിഞ്ഞ ദിവസം കോഴിക്കോട് വെച്ച് ചിത്രത്തിലെ ഗാനങ്ങള് പുറത്തിറക്കി. പ്രശസ്ത കവിയും ചിത്രത്തിന്റെ ഗാനരചയിതാവുമായ പ്രഭാവര്മ്മ, ഡി.വി.ഡിയുടെ ആദ്യകോപ്പി പ്രശസ്ത വിനോദ് കോവൂരിന് നല്കികൊണ്ടായിരുന്നു പ്രകാശനം. വിനോദിനെ കൂടാതെ വിജയ് യേശുദാസും ചിത്രത്തില് പാടിയിട്ടുണ്ട്.
പ്രൊഫ.എ.കൃഷ്ണകുമാര്, വിജയ് ആനന്ദ്, സോണിയ മല്ഹാര്, സ്റ്റെബിന് അഗസ്റ്റിന്, മധുപട്ടത്താനം, നൗഫല്ഖാന്, പ്രിന്സ് കറുത്തേടന്, പത്മനാഭന് തമ്പി, വിനോദ് ബോസ്, ഭാമ അരുണ്, വൈഗ, ആല്ഫിന്, അഷ്ലി, സുതാര്യ, പ്രേം മാസ്റ്റര് അരുണ്, ദേവ്ജിത്ത്, ശബരീനാഥ്, വിഷ്ണുനന്ദന്, ആദര്ശ് എന്നിവരാണ് ചിത്രത്തിലെ പ്രധാന വേഷങ്ങള് കൈകാര്യം ചെയ്തിരിക്കുന്നത്.
ഛായാഗ്രഹണം-ഷിനുബ് ടി.ചാക്കോ, ചമയം-മഹേഷ് ചേര്ത്തല, കല-വിനീത് കാര്ത്തിക, എഡിറ്റിംഗ്-രാഹുല് വൈക്കം, പ്രൊ:കണ്ട്രോളര്-അനുരാജ് ദിവാകര്, ഇഫക്ട്സ്-രാജ് മാര്ത്താണ്ഡം, പി.ആര്.ഒ-അജയ് തുണ്ടത്തില്.
