കേരളത്തില് 11 പേര്ക്ക് കൂടി കോവിഡ് 19 സ്ഥിരീകരിച്ചു. കാസര്ഗോഡ് ജില്ലയില് നിന്നുള്ള ആറു പേര്ക്കും കൊല്ലം, ആലപ്പുഴ, എറണാകുളം, പാലക്കാട്, കണ്ണൂര് ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്. ഇവരില് അഞ്ചുപേര് ദുബായില് നിന്നും (കാസര്ഗോഡ്-3, കണ്ണൂര്, എറണാകുളം) മൂന്നുപേര് നിസാമുദ്ദീനില് നിന്നും (ആലപ്പുഴ, കൊല്ലം, കാസര്ഗോഡ്) ഒരാള് നാഗ്പൂരില് നിന്നും (പാലക്കാട്) വന്നവരാണ്. രണ്ടുപേര്ക്ക് സമ്പര്ക്കത്തിലൂടെയാണ് (കാസര്ഗോഡ്-2) രോഗം വന്നത്.
