മുഖ്യമന്ത്രി കണ്ണൂരിൽ പ്രസംഗിച്ചു കൊണ്ടു നിന്നപ്പോൾ മൈക്ക് പിണങ്ങിയതിനെ മുഖ്യമന്ത്രി ചിരിച്ചു കൊണ്ട് നേരിട്ടത് പി. ആർ. ഏജൻസി വർക്കിൻ്റെ ഭാഗം തന്നെ. സംശയം വേണ്ട. വരുന്ന തെരഞ്ഞെടുപ്പ് പ്രചാരണ വേളയിൽ പിണറായി വിജയൻ്റെ തനതായ പ്രതികരണം വെളിവാക്കുന്ന ട്രോളുകൾ ധാരാളമിറങ്ങുമെന്ന് പി.ആർ. ഏജൻസികൾക്ക് നന്നായി അറിയാം. അതിൽ മൈക്ക് പിണക്കവും അദ്ദേഹത്തിൻ്റെ കോപിച്ചുള്ള പ്രതികരണവും ഇടം പിടിക്കുമെന്ന് പി.ആർ. ഏജൻസിക്ക് അറിയാം.
പി.ആർ. ഏജൻസി പ്രചാരണരംഗത്ത് മുഖ്യമായി ഉപയോഗിക്കാൻ പോകുന്ന രണ്ടാമത്തെ ഇനം, പിണറായി വിജയൻ്റെ അമാനുഷമെന്ന് തോന്നിപ്പിക്കുന്ന വിധമുള്ള വ്യക്തി വൈഭവമാണ്.
ഇതിൻ്റെ ഭാഗമായാണ് കഴിഞ്ഞ ഒരു പത്രസമ്മേളനത്തിൽ കൊച്ചിയിൽ വച്ച് “കടക്ക് പുറത്ത് ” എന്ന മുഖ്യമന്ത്രിയുടെ മാധ്യമ പ്രവർത്തകരോടുള്ള ആക്രോശത്തെക്കുറിച്ച് ഒരു ചോദ്യമുയർന്നത്. അതിന് അദ്ദേഹം ന്യായീകരണം നൽകി അസ്വാഭാവികമായി ആ പറഞ്ഞതിൽ ഒന്നുമില്ലെന്ന രീതിയിൽ പറഞ്ഞു നിർത്തി. ആ ചോദ്യം എവിടെ നിന്നു വന്നുവെന്ന് ആ മാധ്യമ സമ്മേളനത്തിൽ പങ്കെടുത്തവരോട് അന്വേഷിച്ചാൽ അറിയാം.
കണ്ണൂരിൽ കൃത്രിമമായ മൈക്ക് പിണങ്ങൽ സാഹചര്യം സൃഷ്ടിച്ച് , അതിനോട് ചിരിയോടെ പ്രതികരിക്കുന്ന പിണറായി വിജയൻ . ആ പ്രതിഛായ അദ്ദേഹത്തിൻ്റെ അതിമാനുഷ പരിവേഷത്തിന് തിലകം ചാർത്തും. ഇതാണ് പി.ആർ. ഏജൻസി തന്ത്രങ്ങൾ
