കൊവിഡാനന്തര രോഗങ്ങളുടെ പിടിയില് അകപ്പെടുന്നവരുടെ എണ്ണം സംസ്ഥാനത്ത് ഇയരുന്നു. കൊവിഡാനന്തര രോഗവും മരണവും കൂടുന്നതില് ആരോഗ്യവകുപ്പ് ആശങ്കയിലാണ്. ഹൃദയാഘാതം, തലച്ചോറിലും മറ്റും രക്തം കട്ടപിടിക്കുക, ശ്വാസകോശ സംബന്ധമായ പ്രശ്നങ്ങള്, ഉറക്കമില്ലായ്മ, മാനസിക പിരിമുറുക്കം ഇങ്ങനെ കൊവിഡാനന്തര പ്രശ്നങ്ങള് നിരവധിയാണ്. സംസ്ഥാനത്തൊട്ടാകെയുള്ള സര്ക്കാരിന്റെ 1284 പോസ്റ്റ് കൊവിഡ് ക്ലിനിക്കുകളിലായി ഇതുവരെ 93680 പേരാണ് ചികിത്സ തേടിയത്. 51,508 പേര് ഫോണ് വഴി ചികിത്സ തേടി.
ഏറ്റവും കൂടുതല് പേര് ചികിത്സ തേടിയത് ശ്വാസകോശ സംബന്ധമായ രോഗങ്ങള്ക്കാണ് , 7409 പേര്. പേശി, അസ്ഥി സംബന്ധവുമായ അസുഖങ്ങളുമായി ചികിത്സ തേടിയത് 3341 പേര് ഹൃദയ സംബന്ധമായ രോഗങ്ങളുമായി 1649 പേരും ന്യൂറോ സംബന്ധമായ രോഗങ്ങളുമായി 1400 പേരും ചികില്സ തേടി. ഉറക്കമില്ലായ്മ അടക്കം മാനസിക അസ്വാസ്ഥ്യങ്ങളുമായി ചികില്സ തേടിയത് 812 പേരാണ്.