വാളയാര് കേസ് പ്രതിയായിരുന്ന പ്രദീപ് കുമാര് തൂങ്ങി മരിച്ച നിലയില്. ചേര്ത്തല വയലാറിലെ വീട്ടിനുള്ളിലാണ് തൂങ്ങി മരിച്ചത്. സാമ്പത്തിക ബുദ്ധിമുട്ട് നേരിട്ടതിനെ തുടര്ന്നുള്ള മനോവിഷമത്തിലാണ് ആത്മഹത്യ ചെയ്തതെന്നാണ് പ്രഥമിക വിവരം.
അമ്മയോടൊപ്പം ബാങ്കില് പോയി തിരികെയെത്തിയ ശേഷം മുറിയിലേക്ക് പോയ പ്രദീപ് കുമാറിനെ പുറത്തേക്ക് കാണാതായതിനെ തുടര്ന്ന് പരിശോധിച്ചപ്പോഴാണ് മുറിക്കുള്ളില് മരിച്ച തൂങ്ങി മരിച്ച നിലയില് കണ്ടെത്തിയത് . മൃതദേഹം ഇന്ക്വസ്റ്റ് നടപടികള്ക്ക് ശേഷം ആശുപത്രിയിലേക്ക് മാറ്റി.
2017ലാണ് വാളയാറിലെ ദളിത് സഹോദരിമാര് പീഡനത്തെ തുടര്ന്ന് തൂങ്ങി മരിച്ചുവെന്ന വാര്ത്ത പുറത്തു വരുന്നത്. പതിമൂന്ന് വയസുകാരിയായ മൂത്ത സഹോദരി ജനുവരി 13നാണ് മരിച്ചത്. ഇതിന് രണ്ട് മാസത്തിന് ശേഷം മാര്ച്ച് നാലിന് ഇളയ സഹോദരിയും തൂങ്ങി മരിച്ചു. രണ്ട് വര്ഷം നീണ്ട വിചാരണക്കൊടുവില് 2019 ഓക്ടോബര് അഞ്ചിന് തെളിവുകളുടെ അഭാവത്തില് പ്രദീപ്, എം മധു, വി മധു, ഷിബു എന്നിവരെ കോടതി കുറ്റമുക്തരാക്കി.