ട്രാന്സ്ജെന്ഡര് സജ്ന ഷാജി അമിതമായി ഗുളിക കഴിച്ച് ആത്മഹത്യക്ക് ശ്രമിച്ചു. കൊച്ചിയിലെ സ്വകാര്യ ആശുപത്രിയില് ഐ.സി.യുവില് നിരീക്ഷണത്തിലാണ് സജ്ന ഇപ്പോള്. ഗുരുതരാവസ്ഥയില് അല്ലെന്ന് ആശുപത്രി അധികൃതര് അറിയിച്ചു.
ബിരിയാണി വില്പ്പനയ്ക്കിടെ ആക്രമണം ഉണ്ടായി എന്ന ഇവരുടെ പരാതി വലിയ വാര്ത്തയായിരുന്നു. സിനിമാ താരം ജയസൂര്യ അടക്കം നിരവധി പേര് സജ്നയ്ക്ക് സഹായവുമായി എത്തുകയും ചെയ്തിരുന്നു. എന്നാല് കഴിഞ്ഞ ദിവസം സജ്നയുടേതെന്ന പേരില് ചില ഓഡിയോ ക്ലിപ്പിങ്ങുകള് പ്രചരിച്ചിരുന്നു. തുടര്ന്ന് ചിലര് ഇവരെ ആക്ഷേപിച്ച് സമൂഹ മാധ്യമങ്ങളില് പോസ്റ്റ് ഇട്ടിരുന്നു. വിവാദങ്ങളില് മനംനൊന്താണ് ജീവനൊടുക്കാനുള്ള ശ്രമമെന്നാണ് പൊലീസിന്റെ പ്രാഥമിക നിഗമനം.