നയതന്ത്ര ബാഗിലൂടെ മതഗ്രന്ഥം കൊണ്ടുവന്ന സംഭവത്തില് കസ്റ്റംസ് പ്രത്യേകം കേസ് എടുത്തു. നയതന്ത്ര ബാഗിലൂടെ കൊണ്ടുവന്ന വസ്തുക്കള് പുറത്ത് വിതരണം ചെയ്തുവെന്നതിലാണ് കേസ്. ഇതുമായി ബന്ധപ്പെട്ട് മന്ത്രി കെ ടി ജലീലിനെ കസ്റ്റംസ് ചോദ്യം ചെയ്യും. എന്ഐഎയ്ക്ക് നല്കിയ വിശദീകരണം പരിശോധിച്ച ശേഷമായിരിക്കും ചോദ്യം ചെയ്യല് നടക്കുക.
നയതന്ത്ര ബാഗിലൂടെ കൊണ്ടുവരുന്നത് കോണ്സുലേറ്റത് ആവശ്യത്തിനുള്ള വസ്തുക്കളാണ്. ഇത് വിതരണം ചെയ്യണമെങ്കില് രാജ്യത്തിന്റെ അനുമതി വേണം. യുഎഇ കോണ്സുലേറ്റിനെ എതിര് കക്ഷിയാക്കിയാണ് കസ്റ്റംസ് അന്വേഷണം.
നയതന്ത്ര ചാനല് വഴി കേരളത്തിലെത്തിച്ച മതഗ്രന്ഥങ്ങള് സംസ്ഥാനത്ത് പലസ്ഥലങ്ങളിലും വിതരണം ചെയ്തതില് നിയമലംഘനം നടന്നിട്ടുണ്ടെന്നാണ് കസ്റ്റംസിന്റെ പ്രാഥമിക വിലയിരുത്തല്. ഇത് അന്വേഷിക്കുന്നതിനായി സ്പെഷ്യല് ടീമിനെ കസ്റ്റംസ് നിയോഗിച്ചു.