സംസ്ഥാനത്ത് ഇന്ന് 2406 പേര്ക്ക് കൊവിഡ് 19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു. 2067 പേര് ഇന്ന് രോഗമുക്തി നേടിയതായും 10 മരണങ്ങള് ഇന്ന് സ്ഥിരീകരിച്ചതായും മുഖ്യമന്ത്രി പറഞ്ഞു. ഇതോടെ സംസ്ഥാനത്ത് ആകെ കൊവിഡ് മരണം 267 ആയി. ഇന്ന് രോഗം സ്ഥിരീകരിച്ചവരില് 193 പേരുടെ ഉറവിടം വ്യക്തമല്ല. 47 ആരോഗ്യപ്രവര്ത്തകര്ക്ക് രോഗം സ്ഥിരീകരിച്ചു. തിരുവനന്തപുരം 352, മലപ്പുറം 230, കോഴിക്കോട് 238, കൊല്ലം 176, ആലപ്പുഴ 172, കോട്ടയം 189, എറണാകുളം 140, തൃശ്ശൂര് 162, ഇടുക്കി 27, വയനാട് 25, പാലക്കാട് 195, കാസര്കോട് 231, കണ്ണൂര് 102, പത്തനംതിട്ട 167 എന്നിങ്ങനെയാണ് ഇന്ന് രോഗം സ്ഥിരീകരിച്ചവരുടെ കണക്കുകള്.
ഇന്ന് രോഗം സ്ഥിരീകരിച്ചവരില് 59 പേര് വിദേശ രാജ്യങ്ങളില് നിന്നും 121 പേര് മറ്റ് സംസ്ഥാനങ്ങളില് നിന്നും വന്നതാണ്. 2175 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 193 പേരുടെ സമ്പര്ക്ക ഉറവിടം വ്യക്തമല്ല. 22,673 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 43,761 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,93,925 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,75,513 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 18,412 പേര് ആശുപത്രികളിലും നിരീക്ഷണത്തിലാണ്. 2465 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.ഇന്ന് 13 പുതിയ ഹോട്ട് സ്പോട്ടുകളാണുള്ളത്.14 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്.ഇതോടെ നിലവില് 604 ഹോട്ട് സ്പോട്ടുകളാണുള്ളത്.