ഓര്ത്തഡോക്സ്-യാക്കോബായ തര്ക്കം നിലനില്ക്കുന്ന മുളന്തുരുത്തി പള്ളി സര്ക്കാര് ഏറ്റെടുത്തു. പ്രതിഷേധിച്ച വിശ്വാസികളെ അറസ്റ്റ് ചെയ്ത് നീക്കിയാണ് ജില്ലാ ഭരണകൂടം പള്ളിയുടെ നിയന്ത്രണം ഏറ്റെടുത്തത്. പള്ളി ഏറ്റെടുത്തു റിപ്പോര്ട്ട് സമര്പ്പിക്കാന് ഹൈക്കോടതി നല്കിയ സമയപരിധി ഇന്ന് അവസാനിക്കെയാണ് പോലീസ് സഹായത്തോടെ ജില്ലാ ഭരണകൂടം പള്ളി ഏറ്റെടുത്തത്.
മുളന്തുരുത്തി പള്ളി കേസില് ഓര്ത്തഡോക്സ് സഭയ്ക്ക് അനുകൂലമായ വിധി വരുന്നത് കഴിഞ്ഞ വര്ഷമാണ്. പള്ളി 1934 ഭരണഘടന പ്രകാരം ഭരിക്കണമെന്ന് പള്ളിക്കേസുകള് കൈകാര്യം ചെയ്യുന്ന കോടതി ഉത്തരവിട്ടു. പളളിയുടെ 67ലെ ഭരണഘടന കോടതി അസാധുവാക്കി. 1967 മുതല് സ്വന്തം ഭരണഘടന പ്രകാരമാണ് മുളന്തുരുത്തി പള്ളി ഭരിച്ചിരുന്നത്. നിലവില് യാക്കോബായ വിഭാഗത്തിന്റെ നിയന്ത്രണത്തിലായിരുന്നു പളളി. ആഗോള സുറിയാനി സഭ പരിശുദ്ധനായ പ്രഖ്യാപിച്ച പരുമല തിരുമേനിയുടെ ഇടവകയായിരുന്നു മുളന്തുരുത്തി പള്ളി.