കണ്ണൂര് പാപ്പിനിശ്ശേരിയിലെ കേരള ക്ലേ ആന്ഡ് സെറാമിക്സിന്റെ ജനറല് മാനേജരായി നിയമിക്കപ്പെട്ട വ്യവസായ മന്ത്രി ഇ.പി ജയരാജന്റെ ബന്ധു ദീപ്തി നിഷാദ് രാജിവച്ചു. നിയമനം വിവാദമായ പശ്ചാത്തലത്തിലാണ് രാജി. ഇവര്ക്ക് മതിയായ യോഗ്യതയില്ലെന്നായിരുന്നു ആരോപണം.
മന്ത്രി ഇ.പി ജയരാജന്റെ സഹോദര പുത്രന്റെ ഭാര്യയാണ് ദീപ്തി. ഒരാഴ്ച മുന്പാണ് ഇവര് ജോലിയില് പ്രവേശിച്ചത്.
നേരത്തെ, ജയരാജന്റെ ഭാര്യാസഹോദരി കൂടിയായ പി.കെ. ശ്രീമതി എം.പിയുടെ മകന് പി.കെ സുധീര് നമ്പ്യാരെ വ്യവസായ വികസന വകുപ്പിന്റെ (കെ.എസ്.ഐ.ഇ.) എം.ഡിയായി നിയമിച്ചതും റദ്ദാക്കിയിരുന്നു.