കിഫ്ബിക്കെതിരെ (കേരള അടിസ്ഥാന സൗകര്യവികസന നിധി) എന്ഫോഴ്സ്മെന്റ് ഡയറക്ടറേറ്റ് അന്വേഷണം നടത്തുന്നതായി കേന്ദ്രസര്ക്കാര്. 250 കോടി രൂപ യെസ് ബാങ്കില് നിക്ഷേപിച്ചതുമായി ബന്ധപ്പെട്ട കേസിലാണ് അന്വേഷണം. അന്വേഷണത്തിന്റെ വിവരങ്ങള് ഇപ്പോള് പുറത്തുവിടാനാകില്ലെന്നും കേന്ദ്രസര്ക്കാര് പാര്ലമെന്റില് അറിയിച്ചു. കിഫ്ബി സി.ഇ.ഒയ്ക്കെതിരെയും അന്വേഷണം നടക്കുന്നുണ്ട്. രാജ്യസഭയിലാണ് ഇക്കാര്യങ്ങള് കേന്ദ്രസര്ക്കാര് അറിയിച്ചത്.
കിഫ്ബിക്കെതിരെ എന്തെങ്കിലും തരത്തിലുള്ള അന്വേഷണം നടക്കുന്നുണ്ടോയെന്ന ജാവേദ് അലി ഖാന് എം.പിയുടെ ചോദ്യത്തിന് മറുപടിയായി ധനകാര്യവകുപ്പ് സഹമന്ത്രി അനുരാഗ് ഠാക്കൂറാണ് ഇക്കാര്യം അറിയിച്ചത്.