പന്തീരാങ്കാവ് യുഎപിഎ കേസില് കുറ്റാരോപിതരായ അലന് ഷുഹൈബും താഹ ഫസലും ജാമ്യത്തിലിറങ്ങി. പത്തു മാസത്തെ ജയില് വാസത്തിന് ശേഷമാണ് ഇരുവര്ക്കും ജാമ്യം ലഭിച്ചത്. ജാമ്യം ലഭിച്ചതില് സന്തോഷമെന്നും പിന്തുണ നല്കിയ മാധ്യമങ്ങള്ക്ക് നന്ദി ഉണ്ടെന്നും അലനും താഹയും പ്രതികരിച്ചു. കടുത്ത ഉപാധികളോടെയാണ് കൊച്ചി എന്ഐഎ കോടതി അലനും താഹയ്ക്കും ജാമ്യം അനുവദിച്ചത്.
സിപിഐ (മാവോയിസ്റ്റ്) സംഘടനകളുമായി ബന്ധം പാടില്ല, മാതാപിതാക്കളില് ഒരാളുടെ ജാമ്യവും ഒരു ലക്ഷം രൂപയുടെ ബോണ്ടും സമര്പ്പിക്കണം, എല്ലാ ശനിയാഴ്ചയും പൊലീസ് സ്റ്റേഷനില് എത്തി ഒപ്പിടണം, പാസ്പോര്ട്ട് കെട്ടിവയ്ക്കണം തുടങ്ങിയ വ്യവസ്ഥകളോടെയാണ് ജാമ്യമനുവദിച്ചത്.
2019 നംവബര് ഒന്നിനായിരുന്നു മാവോയിസ്റ്റ് ബന്ധം ആരോപിച്ച് അലനേയും താഹയേയും പോലീസ് അറസ്റ്റ് ചെയ്തത്. ഒരു മാസത്തിനു ശേഷം കേസ് എന്.ഐ.എ. ഏറ്റെടുക്കുകയായിരുന്നു.