ഇന്നും നാളെയും കേരളത്തില് വ്യാപകമായി അതിതീവ്ര മഴയ്ക്ക് സാധ്യത ഉണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇടുക്കി ജില്ലയില് പലയിടത്തും 24 മണിക്കൂറില് 205 മില്ലിമീറ്ററില് അധികം മഴ ലഭിക്കാനുള്ള സാധ്യതയുള്ളതിനാല് ജില്ലയില് റെഡ് അലെര്ട്ട്.
ഇടുക്കി ജില്ലയില് അതിതീവ്ര മഴ പെയ്യാനുള്ള മുന്നറിയിപ്പ് ലഭിച്ച സാഹചര്യത്തില് എറണാകുളം, കോട്ടയം ജില്ലകളിലെ സ്ഥിതി കൂടുതല് രൂക്ഷമാകാനുള്ള സ്ഥിതി മുന്നില് കണ്ടുകൊണ്ടുള്ള തയ്യാറെടുപ്പുകള് നടത്തണമെന്നും കാലാവസ്ഥാ വകുപ്പ് മുന്നറിയിപ്പ് നല്കി.
ജൂലായ് 29-ന് കോട്ടയം, എറണാകുളം, തൃശൂര്, പാലക്കാട് ജില്ലകളിലും ജൂലായ് 30-ന് മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലും കേന്ദ്ര കാലാവസ്ഥ വകുപ്പ് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.