റാങ്ക് ലിസ്റ്റ് നീട്ടാത്തതില് പ്രതിഷേധിച്ച് സെക്രട്ടറിയേറ്റിന് മുന്നില് വനിതാ സി.പി.ഒ ഉദ്യോഗാര്ത്ഥികളുടെ മുടി മുറിക്കല് സമരം. പി.എസ്.സി റാങ്ക് ലിസ്റ്റിന്റെ കാലാവധി നീട്ടില്ലെന്ന് മുഖ്യമന്ത്രി പിണറായി വിജയന് നിയമസഭയില് വ്യക്തമാക്കിയതിന് പിന്നാലെയായിരുന്നു ഉദ്യോഗാര്ത്ഥികളുടെ മുടിമുറിക്കല് സമരം. സാധാരണ റാങ്ക് ലിസ്റ്റ് കാലാവധി ഒരു വര്ഷമാണ് പുതിയ പട്ടിക വന്നില്ലെങ്കില് മൂന്ന് വര്ഷമെന്നാണ് കണക്ക്. മറ്റന്നാള് കാലാവധി അവസാനിക്കുന്ന ലിസ്റ്റുകളുടെ കാലാവധി മൂന്ന് വര്ഷം കഴിഞ്ഞതാണെന്നും മുഖ്യമന്ത്രി സഭയില് പറഞ്ഞു.
കൊവിഡ്, പ്രളയ കാലഘട്ടത്തില് ഒഴിവുകള് റിപ്പോര്ട്ട് ചെയ്യപ്പെട്ടിട്ടില്ലെന്നും അത് കണക്കിലെടുത്ത് റാങ്ക് ലിസ്റ്റ് കാലാവധി നീട്ടണമെന്നമാണ് വനിതാ സി.പി.ഒ റാങ്ക് ലിസ്റ്റില് ഉള്പ്പെട്ട ഉദ്യോഗാര്ത്ഥികളുടെ ആവശ്യം. ഓഗസ്റ്റ് 4 നാണ് റാങ്ക് ലിസ്റ്റിന്റെ കാലാവധി അവസാനിക്കുന്നത്. വനിതകളോട് സര്ക്കാര് വിവേചനം കാണിക്കുകയാണെന്ന് സര്ക്കാര് ചര്ച്ചക്ക് പോലും തയ്യാറാകുന്നില്ലെന്നും പ്രതിഷേക്കാര് ആരോപിച്ചു.