സംസ്ഥാനത്ത് അഞ്ചുപേര്ക്ക് കൂടി സിക്ക വൈറസ് സ്ഥിരീകരിച്ചതായി ആരോഗ്യവകുപ്പ് മന്ത്രി വീണാ ജോര്ജ് അറിയിച്ചു. ആലപ്പുഴ എന്.ഐ.വിയില് നടത്തിയ പരിശോധനയിലാണ് ഇവര്ക്ക് സിക്ക വൈറസ് സ്ഥിരീകരിച്ചത്. വൈറസ് ബാധ നിയന്ത്രണത്തെ പറ്റി ചര്ച്ച ചെയ്യാന് ആരോഗ്യമന്ത്രി ഇന്ന് ഉച്ചയ്ക്ക് 12 മണിക്ക് യോഗം വിളിച്ചിട്ടുണ്ട്. തദ്ദേശ സ്ഥാപന പ്രതിനിധികളും യോഗത്തില് പങ്കെടുക്കും.
ആനയറ സ്വദേശികളായ രണ്ടുപേര്ക്കും കുന്നുകുഴി, പട്ടം, കിഴക്കേകോട്ട എന്നിവിടങ്ങളിലെ ഒരാള്ക്ക് വീതവുമാണ് സിക്ക വൈറസ് സ്ഥിരീകരിച്ചത്. ഇതില് നാലുപേരുടെ സാമ്പിളുകള് രണ്ടു സ്വകാര്യ ആശുപത്രികളില്നിന്നും അയച്ചതാണ്. ഒരെണ്ണം സര്വയലന്സിന്റെ ഭാഗമായി ആരോഗ്യ വകുപ്പ് ശേഖരിച്ച സാമ്പിളാണ്. അതേസമയം 16 പേരുടെ പരിശോധനാഫലം നെഗറ്റീവായി. ഇതോടെ സംസ്ഥാനത്ത് ആകെ 28 പേര്ക്കാണ് സിക്ക വൈറസ് സ്ഥിരീകരിച്ചത്.