ശബരിമല സ്ത്രീപ്രവേശനവുമായി ബന്ധപ്പെട്ട പ്രതിഷേധങ്ങളെ തുടര്ന്ന് എടുത്ത കേസുകളും പൗരത്വ നിയമത്തിനെതിരെയുള്ള പ്രതിഷേധം സംബന്ധിച്ച കേസുകളും പിന്വലിക്കാന് തീരുമാനിച്ചു. സംസ്ഥാന മന്ത്രിസഭാ യോഗത്തിലാണ് സുപ്രധാന തീരുമാനം. ഗുരുതര ക്രിമിനല് സ്വഭാവം ഇല്ലാത്ത കേസുകളായിരിക്കും പിന്വലിക്കുക.
നിയമസഭാ തിരഞ്ഞെടുപ്പ് നടക്കാനിരിക്കുന്ന പശ്ചാത്തലത്തിലാണ് സര്ക്കാരിന്റെ തീരുമാനം. ശബരിമല സമരവുമായി ബന്ധപ്പെട്ട കേസുകള് പിന്വലിക്കണമെന്ന് എന്.എസ്.എസ് അടക്കമുള്ള സംഘടനകളും ബി.ജെ.പിയും ആവശ്യപ്പെട്ടിരുന്നു.