ഉദ്യോഗാര്ത്ഥികളുടെ സമരം മന്ത്രിസഭാ യോഗത്തില് ചര്ച്ചയായില്ല. സെക്രട്ടേറിയറ്റ് പടിക്കല് സമരം നടത്തുന്ന ഉദ്യോഗാര്ത്ഥികളുടെ ആവശ്യം മന്ത്രിസഭാ യോഗം പരിഗണിച്ചില്ല. ലാസ്റ്റ് ഗ്രേഡ് റാങ്ക് ലിസ്റ്റ് നീട്ടേണ്ടതില്ലെന്നാണ് മന്ത്രിസഭാ യോഗത്തിലെ തീരുമാനം. സമരം ഒത്തുതീര്പ്പാക്കാനുള്ള യാതൊരുവിധ ചര്ച്ചയും യോഗത്തില് നടന്നില്ല. താല്ക്കാലികക്കാരെ സ്ഥിരപ്പെടുത്തുന്നത് സംബന്ധിച്ച് പരിശോധിക്കാന് മുഖ്യമന്ത്രി നിര്ദേശം നല്കുകയും ചെയ്തു.
കാലാവധി കഴിഞ്ഞ റാങ്ക് ലിസ്റ്റ് സംബന്ധിച്ച് ഒന്നും ചെയ്യാനില്ല എന്ന നിലപാടാണ് മന്ത്രിസഭാ യോഗം എടുത്തത്. ടൂറിസം വകുപ്പ് അടക്കമുള്ളവയില് 10 വര്ഷം പൂര്ത്തിയാക്കിയവരെ സ്ഥിരപ്പെടുത്താനുള്ള തീരുമാനം എടുത്തിട്ടുണ്ട്. താല്ക്കാലികക്കാരെ നിയമിക്കുന്ന ഒരു തസ്തിക പോലും പി.എസ്.സിക്ക് വിട്ടതല്ല എന്ന് ഉറപ്പാക്കണമെന്ന് മുഖ്യമന്ത്രി നിര്ദേശിച്ചു. അത്തത്തില് ഒരു നിയമനം പോലും നടക്കാന് പാടില്ലെന്നും വകുപ്പ് മേധാവികളോട് മുഖ്യമന്ത്രി നിര്ദേശിച്ചു. ബുധനാഴ്ച വീണ്ടും മന്ത്രിസഭാ യോഗം ചേരുന്നുണ്ട്.