തദ്ദേശ സ്ഥാപനങ്ങളിലേക്കുള്ള അവസാനഘട്ട വോട്ടെടുപ്പില് പോളിങ് അവസാനിക്കാന് മണിക്കൂറുകള് മാത്രം ശേഷിക്കെ നാല് ജില്ലകളിലും കനത്ത പോളിങ്. വോട്ടെടുപ്പ് ആരംഭിച്ച് 11 മണിക്കൂര് പിന്നിടുമ്പോള് പോളിങ് 75 ശതമാനം പിന്നിട്ടു. ആദ്യ രണ്ട് ഘട്ടങ്ങളെക്കാള് ഉയര്ന്ന പോളിങ്ങാണ് ഇതുവരെ രേഖപ്പെടുത്തിയത്. കോഴിക്കോട്, കണ്ണൂര്, കാസര്കോട്, മലപ്പുറം എന്നീ നാല് ജില്ലകളിലാണ് വോട്ടെടുപ്പ് പുരോഗമിക്കുന്നത്.
നാദാപുരം തെരുവംപറമ്പില് സംഘര്ഷമുണ്ടായി. പോലീസ് ഗ്രാനേഡ് പ്രയോഗിച്ചു. തടിച്ചുകൂടിയ ജനങ്ങളെ പിരിച്ച് വിടുന്നതിനിടെയാണ് സംഘര്ഷമുണ്ടായത്. പോലീസുകാര്ക്ക് അടക്കം നിരവധി പേര്ക്ക് പരിക്കേറ്റിട്ടുണ്ട്.