ഒരാഴ്ചയായി വയനാടിനെയും സമീപ തമിഴ് പ്രദേശങ്ങളേയും ഭീതിയില്‍ ആഴ്ത്തിയ നരഭോജിയായ കടുവയെ തമിഴ്നാട് വനംവകുപ്പ് ഉദ്യോഗസ്ഥര്‍ വെടിവെച്ചുകൊന്നു. കടുവ രണ്ടു പേരെ കൊല്ലുകയും അതില്‍ ഒരാളെ ഭക്ഷിക്കുകയും ചെയ്തിരുന്നു. തമിഴ്നാട്ടിലെ നെല്ലാക്കോട്ട ബെണ്ണ വനമേഖലയില്‍ പെരുമ്പള്ളിയില്‍ ഇന്ന് വൈകിട്ട് 3.30-തോടെയാണ് കടുവയെ കൊന്നത്.

കേരള-കർണ്ണാടക അതിർത്തി പ്രദേശമായ പാട്ടവയലിലെ ഓടവയൽ കൈവട്ടം മഹാലക്ഷ്മി (45), മുത്തങ്ങക്കടുത്ത നൂൽപ്പുഴ മുക്കുത്തിക്കുന്ന് സുന്ദരത്ത് ഭാസ്കരൻ എന്നിവരാണ് കടുവയുടെ ആക്രമണത്തിൽ മരിച്ചത്.

കടുവയെ വെടിവെച്ചുകൊല്ലാന്‍ കേരളത്തിലേയും തമിഴ്നാട്ടിലേയും ബന്ധപ്പെട്ട അധികാരികള്‍ ഉത്തരവിറക്കിയിരുന്നു.